撈麵君 (Closed)

偶爾想食川菜又怕辣到食唔到，外賣加餸就最啱😋。🌶紅油抄手（20粒）$33Bite size嘅小雲吞粒粒圓潤飽滿，餡料鮮甜美味。湯汁呈橙紅色似擔擔麵湯底，但底度都係紅油嚟😂。今次試小辣所以辣度好低，但醋味比較重。🌶肉臊米線撈 $28肉臊份量唔少，撈勻後足夠沾滿每條米線。肉末口感細滑，味道偏甜。加上青瓜絲及黃金豆，口感同味道都更豐富。🌶紅油豬耳仔 $38豬耳口感爽脆，而且滷得入味。秘製辣醬辣得嚟好香好有層次感。而且夠多芫茜，啱晒茜友。加埋芝麻香氣十足。