漁品酸菜魚火鍋放題 (Closed)

呢間漁品酸菜魚火鍋放題，我哋食過幾次午市時段任食放題，可以由中午12點食到晚上六點，有刺身頭盤，跟住有酸菜魚同雞煲，之後打邊爐就有海鮮丶肥牛丶蝦丸丶墨魚丸等等。除咗刺身同海鮮，其他嘅食物都可以任食，仲有汽水啤酒飲等任飲。我哋食過幾次每次水準都保持得好好，服務都唔錯，價錢又非常合理。老實講，我哋唔係識佢幫佢買廣告，但真心覺得真係值得幫襯呢間用心嘅舖頭。大圍呢頭其實都冇其他同類型嘅舖頭，真心值得幫襯。好似今日咁，我哋第一次試佢嘅酸菜魚，非常有驚喜。因為本身我哋都唔係好好酸菜魚，驚會有魚腥味，但今日試過之後，覺得佢煮得好好味，好開胃，啲魚又冇魚腥味，連我個friend唔食魚俾我叫佢試吓之後都試咗啲，之後佢都不斷話好食。 極力推介！最後補充少少，其中一樣我哋最欣賞嘅，係佢一開頭就會比一窩熱水我哋，用嚟滾餐具，確保衛生。