成都小巷米線雞煲 (和富道) (Closed)

同事去過北角成都小巷米線雞煲食飯餐，讚不絕口話抵食又好味，今日放工又話要去食，重叫埋我一齊去食。講到咁好，梗係要試吓！成都小巷選擇多元 中午可以食個米線 ，夜晚除咗米線可以食雞煲或烤魚+任食邊爐+任飲。餐廳裝修簡潔。有一座凍櫃，放滿火鍋配料給食火鍋放題的客人自取，丸類、蔬菜、菇類和豬牛肉等，擺放得清潔整齊，旁邊仲有火鍋混醬材料。近門口有個大雪柜放滿飲品，汽水和啤酒都係任飲。麻辣雞煲可以揀辣度，唔係好食得辣揀咗小辣。雞煲即叫即做，上枱時已經香氣四溢，煲內除咗雞件還有很多配料和香料，醬汁濃郁，香辣惹味。吃完嫩滑雞件，更可加入清湯打邊爐。火鍋配料都好新鮮，特別係豬肉片，非常嫩滑，就算滾耐咗都唔會鞋口，丸類、腸類都好彈牙，蔬菜新鮮，洗得乾淨。