Video
Read full review
2017-12-11
40 views
朋友公司曾經食過呢間餐廳嘅生蠔到會，佢哋超級推薦，話啲生蠔新鮮抵食，所以我哋今日到來時試吓。鋪頭位置雖然唔算方便，但係都好易搵，入面大概坐到五六枱，算係小店。黎到主要目的都係想食生蠔，但係我哋對生蠔冇乜認識，所以都係交俾店員揀。佢幫我地揀左四款生蠔同埋一啲刺身，果盤海鮮上枱嘅時候視覺效果非常震撼。個盤分為兩集，下層就擺四款生蠔加蜆同海膽，而上層就擺海蝦同埋一隻新鮮海膽。佢呢度服務非常好，店員幫我地揀咗一款美國生蠔同埋三款法國生蠔，亦都係由佢嘅味濃度到去排列，由最淡嘅開始食起。最淡味嘅係美國既Honey Point，佢冇乜海水味，但係就非常鮮甜同清淡。之後就係法國嘅Lambert，比起Honey Point，佢多左少少海水味，但係本身蠔既味道都係偏淡既。第三款係Majestic，蠔本身味濃，海水味亦都重，有少少複雜既味道。最後一款就係超巨大嘅La Perle Noire，佢比其他三款差唔多大三份一，肉鮮甜得來海水味亦都重。店員仲教我地用叉刮埋果粒生蠔入面嘅"帶子"嚟食，可以增加生蠔嘅口感。之後就係馬糞海膽刺身同埋新鮮海膽刺身，新鮮海膽刺身比起一版版嘅刺身的確係更加新鮮，不過兩款都超級甜，
鋪頭位置雖然唔算方便，但係都好易搵，入面大概坐到五六枱，算係小店。黎到主要目的都係想食生蠔，但係我哋對生蠔冇乜認識，所以都係交俾店員揀。
佢幫我地揀左四款生蠔同埋一啲刺身，果盤海鮮上枱嘅時候視覺效果非常震撼。個盤分為兩集，下層就擺四款生蠔加蜆同海膽，而上層就擺海蝦同埋一隻新鮮海膽。
佢呢度服務非常好，店員幫我地揀咗一款美國生蠔同埋三款法國生蠔，亦都係由佢嘅味濃度到去排列，由最淡嘅開始食起。最淡味嘅係美國既Honey Point，佢冇乜海水味，但係就非常鮮甜同清淡。之後就係法國嘅Lambert，比起Honey Point，佢多左少少海水味，但係本身蠔既味道都係偏淡既。第三款係Majestic，蠔本身味濃，海水味亦都重，有少少複雜既味道。最後一款就係超巨大嘅La Perle Noire，佢比其他三款差唔多大三份一，肉鮮甜得來海水味亦都重。店員仲教我地用叉刮埋果粒生蠔入面嘅"帶子"嚟食，可以增加生蠔嘅口感。之後就係馬糞海膽刺身同埋新鮮海膽刺身，新鮮海膽刺身比起一版版嘅刺身的確係更加新鮮，不過兩款都超級甜，餐廳仲有俾啲紫菜我哋夾埋一齊食，我都係第一次咁食，紫菜同海膽非常夾。個盤入面仲有象拔蚌切條，平時象拔蚌切到一片片咁，但係佢呢度就切到一條條，口感爽口啲。蝦方面有三種蝦，地中海紅蝦，紐西蘭深海龍蝦仔Scampi，法國藍蝦。聽講香港唔係好多地方有得食呢種Scampi，個樣睇落有少少似賴尿蝦，佢三種蝦都非常鮮甜，蝦頭入面d蝦膏好似大閘蟹啲膏咁濃郁，唔會好似平時啲蝦頭咁有讚苦味。仲有北海道帶子同埋車厘蜆，車厘蜆有啲似生蠔，但係口感複雜啲，海水味亦都幾濃。淨係食海鮮唔夠飽，所以我哋都叫咗啲湯同熟食。
分別叫咗清酒煮bb青口同埋紐西蘭刀背蜆湯，兩款湯都係用清酒同白酒煮嘅，有海鮮嘅甜味，清酒嘅味道都飲得出，蜆同青口都好甜。
熟食方面有個黑松露醬黑毛豬，豬肉非常結實彈牙，但係一啲都唔鞋，豬肉中間仲有少少粉紅色，增加啲嫩滑嘅口感。
之後係鵝肝意粉，兩大舊鵝肝擺喺意粉上面，鵝肝入口即溶，再加埋啲雜菇係意粉入面，一啖鵝肝一啖意粉，非常惹味。
最後就係一個黑松露蟹肉意大利飯，店員話啲米係由意大利運來，比較硬，不過配合香港人口味，煮得比較軟，飯入面有啲蟹肉同蟹膏，即使黑松露味道濃郁，仍然唔會蓋過蟹嘅味道。
非常滿意嘅一餐飯，如果之後有機會都會想試吓佢啲生蠔到會，價錢睇落都非常抵。
Post
