味道樂居酒屋 (元州街) (Closed)

呢間餐廳位於荔枝角工廠區附近寧靜嘅街道，入面掛滿咗日式掛旗同廣告牌，好有日本居酒屋既感覺。喺門外睇到佢哋lunch set都幾抵食，各款丼飯鐵板刺身都有，仲會跟餐配埋沙律、麵豉湯、蒸蛋鐵板香煎牛油三文魚 $82 一上菜已經見到幾塊香煎既三文魚，而且係無骨嘅，一咬落去,三文魚油同牛油嘅香味就出曬黎。配埋清新既蛋黃醬同沙律就啱啱好，可惜嘅係依個定食冇多啲配菜。牛油香煎銀鱈魚拼大蝦丼 $108丼飯鋪滿咗紫菜碎同燒汁，下面係無骨銀鱈魚，入口細嫩滑溜，油分唔膩，就算冇燒汁都食到鱈魚既鮮味。仲有幾隻處理切好嘅大蝦，用手一剝就已經食到大大啖蝦肉，非常滿足。