初之陸日本料理

Open Now

Now Closed

見到喺觀塘工業區有一間日式嘅料理舖頭，價格又親民，收工就黎試下。去到餐廳，整體環境整潔，座位空間都算闊落，我哋就簡單叫咗個套餐同一款小食.二人前套餐（$168）呢個餐包咗四款食品，第一個係雜菜沙律，新鮮嘅蔬菜配埋日式嘅醬料，非常清新開胃。第二款係三文魚刺身，刺身厚切，每人有三片，食得出好新鮮同肥美。第三款係串燒，包括有雞軟骨，雞胸骨，五花腩同埋雞肉四串，燒到啱啱好少少乾身又好香口。最後係有兩碗烏冬，我哋就分別揀咗雞肉同埋肥牛各一碗。喺食完所有嘢嚟一碗烏冬，非常暖胃，份量都唔會好細，好飽肚。炸池魚 （$68）我哋外加咗一碟炸池魚，份量大足，薄薄一層炸粉，炸到非常脆口，而且池魚冇魚腥味，加上少少椒鹽，好適合當作送酒小食。Edelweiss Beer ($38)最後叫咗杯啤酒，淡淡清新，好適合平日放工後輕鬆飲，配上炸池魚或其他小食都好夾。呢間日式餐廳非常方便附近工作嘅人放工後去飲啤酒送日式小食，佢仲做緊任飲啤酒優惠，下次一定去試下。