享丼丼 (Closed)

享丼丼係一間幾有特色既日式餐廳。你問我，我會覺得佢係一間日式茶餐廳，不過佢地既食物質素都唔差，價錢非常化算。魚生刺生質素呢個地段呢個價錢呢個份量算係十分好。午餐小食就奇怪左少少，有啲印度風。。。午巿係比較多優惠。我估佢意思係買三送一，四一同行一人免費。午巿有呢個自選，令我諗起車仔麵。所以先話似日式茶餐廳。呢個超值午餐係完全唔合乎邏輯地抵食。大食既朋友，一定要㨂呢個，真心無得輸。唔知佢點賺錢番黎。。。總結：午巿好選擇，一個人都唔驚，四個人黎更好，記得㨂自選，食到你反肚。