楓 (Closed)

個日同男朋友行槍街睇模型 行到身水身汗真係太熱啦 見有d肚餓又見到呢到有乳酪雪糕 入去過個冷河先 冇諗到呢間日式cafe又幾好食♡大版燒（蝦） 🍤呢個大版燒粉漿同椰菜既比例差唔多係一半半 兩者混合得幾好 表面微微焦脆入面軟糯再加上爽口椰菜 上面當然仲有醬汁同勁多木魚絲啦 蝦既份量都好多 基本上每一啖都會食到有蝦♡香煎雞扒咖哩湯烏龍麵🍜雞扒肉質好滑 烏龍都唔會煮到好淋有番一定既咬口 最好味係佢個咖哩湯 濃得黎又唔膩 掛汁得黎又唔會好稠 個湯質感同味道做到好平衡 值得一讚♡乳酪雪糕（oreo碎碎 | 麻糬粒粒 |抹茶蕨餅|比利時Lotus餅| 朱古力醬） 🍦雪糕好滑乳酪味酸酸甜甜咁 冇平時食普通雪糕咁大負擔（卡路里） 麻糬粒粒好煙韌 朱古力醬遇到雪糕會變到好脆 加上有Oreo 碎碎增加口感 另外呢個造型拎去打卡都唔失禮♡可可豆乳🍫好香既朱古力味豆奶 會唔好甜 飲落去順滑♡蜂蜜柚子梳打🍹