味道樂居酒屋 (元州街) (Closed)

餐廳裝修日本風。星期六都有午餐，價錢有$58至$198不等。所有套餐配沙律、日式蒸蛋及味噌湯。沙律有新鮮沙律菜、車厘茄、粟米及小甜薯，面上有麻醬。味增湯味道夠濃郁，入面仲有豆腐，暖笠笠好飲。日式蒸蛋新鮮蒸起蛋夠滑，入面有魷魚、細青口仔。黑蒜汁燒鹿兒島黑毛豬$88，黑毛豬切成粒，外面脆脆地，帶有黑毛豬香。配有黑蒜汁及白飯。另外叫咗半燒火炙四色魚生丼$98。有三文魚、蟹柳、帶子及左口魚。帶子厚切面上有醬汁；蟹柳有火炙香；左口魚入口即溶；三文魚都幾肥美。午餐價錢合理，而且幾豐富！