九重町日本料理 (Closed)

星期四難得可以收早，同屋企人去食日本菜。見到九重町人少少，唔使排隊就入去試下。環境幾清靜，但睇得出有花過心思係裝修有日本的味道，卡座裝修都幾得意。一見餐牌都有唔少種類，壽司、刺身、沙律、飯同鍋物，唔驚老豆唔夠食。一落單就叫左燒雞腎、鰻魚手卷、豚肉鍋、九重刺身、天婦羅盛、軟腳蟹牛油果卷、鰻魚炒飯三個人食綽綽有餘野食用料幾新鮮，三文魚、章紅魚切得幾厚咬落啖啖肉，口夠唔錯。一開始，媽咪話有小小沙服務員都即刻幫我地換左佢，服務態度好好而我最鐘意吃軟腳蟹牛油果卷牛油果的爽口清新配上酥酥地既軟腳蟹，幾正！同埋燒雞腎撒上胡椒鹽，味道岩岩好鰻魚炒飯都幾足料，啖啖鰻魚仲要係咬到既大細，唔似出面切到碎噻咁。今次同屋企人都幾滿意，放開肚食，食到好飽最後埋單800幾。下次可以再黎過。