九重町日本料理 (Closed)

本身自己好鍾意食壽司，突然心血來潮，又唔想食平時食開嘅連所店，走上OpenRice search下，發現呢間喺藍地嘅日本料理，落車仲要行成10分鐘先揾到，因為本身係某屋苑樓下嘅餐廳，都有啲遠。見好多人話個牛肉他他好食，一個人都照叫，味道真係唔錯，夾埋蘿蔔蓉(應該係)、蔥同醬汁，好香。8件壽司併盤，食材都好新鮮，讚！名古屋手羽係幾juicy，味道就正常，無咩大驚喜。雖然已經食到好飽，但因為山長水遠黎到，唔想蝕底既心態，我叫多左客火炙三文魚同劍魚壽司，三文魚我嫌佢唔多油脂同太淡，劍魚就中規中矩。整體黎講，都係一間值得翻炒既餐廳，最後一人前好誇張咁食左$407 ，抱住個肚走。

軟殼蟹卷好食，海鮮鍋海鮮太少，串燒好食，尤其是牛舌和雞皮，魚生不夠新鮮不值這個價錢。地方夠大，可於對面街泊車唔似會抄牌。壽司正常一般，略為小貴。總括來講一般食飯可以。

經過幾次都無試過，感覺唔平，咁偏但又同市區差唔多價錢，一試就發現係值嘅。平日黎得幾台客，叫左刺身飯，質素唔錯，如貴價野，份量比想像多。另外個三文魚魚頭就偏咸左啲，牛肉他他就正常啦。下次會再黎

父親節五大兩少來慶祝。第一次來食,有驚喜!刺身新鮮,卷物有心思,有特色美食,正! 服務好,員工有熱誠,地方乾淨,坐得舒服。一家大細食得好開心,又食得好飽。值得推介!

近期新假期風燒到去屯門，普普通通一間鋪頭都被吹捧做隱世小店。好彩，仲有呢間真正既隱世日本食堂，等我有得享受下片刻既安寧。九重町日本料理位於藍地一個比較少行人經過既地方，唔系住個頭其實好少人會知。門面裝修行正宗日本風，夜晚去頗有深夜食堂既感覺。當時去食係有九折！！仲等咩！熱愛秋葵既我見到有燒秋葵二話不說即刻叫兩串黎試下先。秋葵新鮮，冇燒過熟，調味亦係淡淡鹽味，唔會掩蓋秋葵本身既味道，非常清新爽口。同時都點左另一款非常好既下酒菜：燒雞腎。內臟最緊要唔腥，呢一款燒物完全達到日本居酒屋既水準，送酒一流。因為都幾餓，所以order左個豚肉鍋。份量都幾多，味道唔會過分濃烈，唔似某d餐廳一味放味精。呢個清清地，食到豚肉同蔬菜既甜味，唔錯。最後點少得一杯飲品作結，呢杯奇異果特飲酸酸甜甜，夠開胃得黎又唔會太甜，perfect池！

早排係藍地食咗好好味嘅西餐，心思思又想去藍地搵食😝所以又約咗同一個朋友嚟食嘢😙一開頭有前菜😆有一舊凍嘅肉再加紅蘿蔔🥕#軟殼蟹牛油果卷 ($68)😋好味指數：(7/10)上面有蟹子同一啲牛油果片，再加埋炸過嘅軟殼蟹真係幾正😆不過一咬個卷就散晒咁濟，真係要小心啲食😰#天婦羅盛 ($78)😋好味指數：(7/10)1件魚 3件蝦 5件菜每一都好脆，又唔會覺得好油😙另外有番薯、菇、南瓜，食下蔬菜都唔錯😚最中意食隻蝦，夠晒爽彈😍#鰻魚炒飯 ($76)😋好味指數：(6.5/10)鰻魚炒飯炒得粒粒分明， 食落去都幾夠味😚不過鰻魚嘅分量就偏小😢#玉子蛋卷 ($32)😋好味指數：(5.5/10)食落去比較一般😢啲蛋老咗小小😣#牛油炒雜菇 ($42)😋好味指數：(6.5/10)牛油味略嫌唔夠重🤔不過菇嘅份量都幾多，而且有啲木魚係上面😙

Weekday 夜晚嚟食飯，附近都有位置泊到車。入面裝修不錯，枱與枱之間都有空間，不會太迫。牆上面餐牌每日都會update 啲時令海鮮同串燒。我地兩個人叫咗一客炒雜菜，一客鳗魚炒飯，同一個串燒套餐，埋單大約三百幾蚊，日本菜價錢都差不多。炒菜份量ok，不算多油，幾香口。鰻魚炒飯係侍應姐姐推介，鰻份量都算多，不多油，炒得好均勻，好食。串燒都唔錯，牛舌最好食。見到餐牌有唔少剌身同壽司，下次可以再嚟試其他嘢。

天氣仍是有點冷, 新年期間繼續約朋友小聚, 難得大家都係屯門友, 所以就在屯門搵食.我地過黎藍地呢邊食呢間!人流不算多, 估計還是放假中.因為同埋仔仔黎食, 所以生既熟既都點下!今日有lunch set, 所以我地都有點, set跟有兩款前菜同有味噌湯!沙律菜都幾新鮮!呢個小碟茄子冇乜味~~仔仔啱食既炸豬扒烏冬, 豬扒超大塊, 蘸上蛋黃醬黎食, 味道不錯, 炸得好脆, 粉漿唔算好厚, 肉質又好結實!雜錦壽司, 望落賣相唔錯! 食落亦都真係唔差, 魚生好新鮮爽口!魚生丼!! 份量都唔少!玉子燒就比較一般, 因為蛋煎得老了, 所以食落口比較鞋口唔滑漏..

甫坐下，店長便推介：原條魴鮄刺身 (本州靜岡直送）一魚兩食，味道指數：＊＊＊＊＊ 。不過＄498，略貴。下次應該唔會咁衝動。海膽、帶子、三文魚子、赤貝全部鮮味十足，可惜是壽司飯既品質略為不足，而且調味不足，溫度亦不足，有待改進。串燒類出品水準很高，不過“師傅”可以低調一點。如果喜歡飲啤酒，＄88/1.5小時任飲，加半打串燒其實都好化算。個人推介，燒白鱔。雖然唔夠厚身，不過皮脆肉嫩，送酒一流。炒飯類可以一試，但火鍋類就可以不用試，實在太多“師傅”了！性價比合理，啱哂我地哩班西人 (新界西居民）可以方方便便食好西，都算唔錯既地方。

有一個好朋友搬咗去屯門某個屋苑，屋企附近有一間日本菜幾好食，今日去完朋友屋企打麻雀之後，朋友就帶我地去食嗰間日本菜。店內裝修好有特色風味，而且服務員好有禮貌，亦都可介紹好多不同菜式俾我哋，我哋揀咗以下幾款：加州卷每一次去食日本菜，都會點一個加州卷食，呢度加州卷做得幾好食，外面嘅蟹子非常之趣，裏面嘅青瓜同蟹柳嘅味道配合得好好，而且煩嘅黏度同酸味都做到啱啱好，屬於高級嘅壽司飯底軟殼蟹手卷軟殼蟹仲熱辣辣，非常脆口，一d都唔腥，加上蟹籽，好有口感，又香口，又鮮味，而食手卷塊紫菜都非常重要，要夠脆，呢個即叫即整既手卷紫菜好脆，呢間餐廳手卷既質素非常高，一定要點牛肉鍋冬天凍冰冰，食個牛肉鋦暖下肚先，湯底不錯，肥牛好香滑，薄薄一片，入口即溶，配料亦都非常足，而且食材新鮮，冬天點個鍋都唔錯鹽燒雞翼燒雞翼，我鍾意食，焼到外皮脆卜卜，但同時又鎖住雞汁，一咬既香又脆，鹽燒提升雞味，正餐廳食物整體質素非常高，而且服務不錯，環境又好舒服，下次去朋友屋企都一定要再去

屯門就唔係第一次去，但藍地就真係第一次黎，一個好悠閒既小地方最估唔到一個咁有鄉村味道既地方，竟然有一個日本餐廳！餐廳環境算係舒適，一坐低就有碟前菜食下，D碗碟都幾靚！接下來就係叫壽司，價錢唔算係貴，而且壽司形狀包得幾好！餐廳有一D壽司SET選擇，但我食量有限所以只有散叫接下來就叫左一個豚肉鍋，幾豐富的，有粉絲金菇，豆腐，豚肉，菜等等的配料，少量既辣味非常開胃然後是牛油炒雜菇，如果想食得健康D，呢一個係好選擇，唔油膩，又有木魚食下，又唔濟，不錯我最喜歡的係呢個燒三文魚腩，份量十足，又可以慢慢食，當然有少少骨要吃得小心D，小小咸味，十分過癮！最後叫左一杯凍藍梅汁，入面有爆珠的，正！

今日去探個朋友，佢就提議落去佢屋企樓下度食日本料理，我都好耐冇食啦，咁就一於同佢去食呢間日本餐廳。首先食清酒煮蜆，蜆肉質地彈牙，煮到剛剛熟，食落充滿鮮甜味道，仲有微微嘅清酒味，將蜆肉本身嘅腥味辟除，加上蔥花，食落零舍清新。跟住係野菜牛肉鍋，除咗主角嘅牛肉之外，仲有其他配料例如雞蛋，京蔥，雜菜，蘑肉，金菇等等。肥牛肉食落非常滑口，加上雞蛋嘅點綴，令牛肉食起上嚟緊加覺得滑，仲有京蔥同唔同嘅蔬菜菇類，個湯底份外甜，食埋蔬菜加上飲幾啖湯，咁凍嘅天氣就零舍暖胃啦。最後就係海膽海鮮炒飯，呢份炒飯用料十分豐富，除咗海膽之外，仲有三文魚同埋比目魚，仲有其他雜錦海鮮，所以食落充滿海鮮味。三文魚肉同比目魚魚肉夠爽滑，食落新鮮，而炒飯炒得非常甘香，加埋新鮮嘅海膽，甜中帶滑，仲有海膽獨有海水味，令炒飯更加錦上添花。

星期天，當然要遊遊香港給自己有放假的感覺才對吧！今次選址到屯門近藍地的位置，原因是看到有間不錯的餐廳在附近，順便到附近走走逛逛。天氣寒冷又下雨的情況下，我們都不約而同地想點個火鍋。壽喜燒(牛肉) $258壽喜燒的湯底選了豆腐牛乳，味道十分清淡，幸好有一小碟豉油作調味。而材料也十分豐富！有一大盤菜，娃娃菜、小唐菜、金菇、白蘿蔔、大蔥、冬菇、豆腐等。還有一大碗烏冬，真的是十分足料！牛肉很嫩滑，不會韌，牛味香濃，好吃。軟殼蟹牛油果卷 $68看餐牌時覺得十分吸引所以便點了！而結論也是十分好吃！炸得香脆的軟殻蟹夾在壽司中間，由於還有蟹柳、青瓜，還有置面的牛油果和蟹子，把整體膩感沖淡。飯粒軟硬度亦適中，整體好吃！地點較適合附近住宅居民，不過個人也覺得值得一試。

今晚同老公喺屯門開餐, search 過屯門壽司店就多但食日本料理餐廳唔多, 見到呢間都好像樣於是就揀左佢黎食。 呢度靜靜地但又行兩步就係藍地大街, 環境一流。藍地大街行到尾穿返出黎個豫豐花園地鋪就係喇, 呢度好似屯門嘅另外一個世界, 唔似市中心咁寸步難行,被喼拖爆隻腳。我六點半已經黎到,早D 食,唔使驚要等位啦。有好多款壽司刺身,價錢都係中上,好似章紅魚油甘魚正常,劍魚腩-就最正,又厚身,又鮮甜, 魚生都幾大塊細細舊飯。呢個係 海膽海鮮炒飯, 海膽無炒埋落去所以我地一人啖撈飯食左佢, 真係好好味, 無異味 而且仲有一份甜味,入裡D 料都好足,魚肉,墨魚,蝦,青口,天婦羅盛$78.都幾抵食, 一件魚, 3件蝦,5 件菜, 炸粉唔多, 天婦羅 嘅蝦係最好食, 食到個蝦只係剛剛熟,時間掌握得好好。脆炸牛蒡絲, 又簿又脆,好薯片咁, 上面灑左D 七味粉之類嘅野.惹味。食兩個都得!牛肉鍋. 好多蔬菜喺裡面, 湯底大D D 甜, 牛肉煮咁耐都冇韌。整體黎講係好食. 不過就價錢貴少少.始終一食就食得出佢係好野.,

平時都會去屯門食野，但入到去藍地都係第一次～為左美食就要有走勻港九新界既決心住屯門的朋友推薦佢樓下既呢間日式餐廳，抱住一試無妨既心態就跟左佢來。６點左右已經唔少人喇～前菜係海蜇，辣辣地幾好味的～雜錦魚生飯　$168食返個雜錦魚生飯是常識吧～無他，因為可以試到多種唔同口味的刺身，而且有個飯又會飽肚。印象最深刻係三文魚非常肥美，吞拿魚完全唔腥，仲有我鍾意的海膽。九重卷　$88呢個卷物口感好豐富，放係面既三文魚子同海膽都好新鮮。入面有三文魚、蟹柳同埋青瓜，咬落好爽口，配搭得好好～軟殼蟹牛油果卷　$68呢個係人氣推薦來的～其實好多時餐廳有軟殼蟹牛油果卷供應的話，我都會揀。又有蟹籽，加埋我鍾意牛油果的口感，軟殼蟹好香脆～（尤其是個拑，成日同朋友爭食）冇諗過有間咁好味既日式餐廳隱藏左係屯門藍地～我有理由多Ｄ過來探朋友喇