水木日本料理 (Closed)

行開觀塘，想同朋友晚上小酌一杯，就試試呢間日式料理。店內環境寬敞開揚，設計時尚，係比較新式設計嘅餐廳，讓人感覺清新舒服。今次簡咗幾款食落比較特別嘅菜式推薦比大家去一試！🌟串燒大蔥雞燒燒得好金香，而且唔會燒到好乾身，面頭有燒汁，大蔥聞落已好香，食落帶點燒汁甜味，雞肉亦十分嫩滑，同樣唔乾身，配埋醬汁，食落十分juicy，惹味可口☺️！🌟螢光魷魚漬螢光魷魚係日本特式菜式，嚟自富山灣。因為每年三四月，日本都會出現一種奇異景象，海灣染成一抹絢麗藍色星空冷豔光點灑滿夜幕下的沙灘，而呢啲這些神祕光點就是螢火魷魚了😋！今次餐廳用咗特調醬料醃漬，魷魚外層食落帶爽脆感，味道帶點咸香，送酒一流！🌟炸富山灣寶石蝦 呢款寶石蝦係白色嘅，炸到好香脆，食落卜卜脆，好脆口，蝦殼都可以食埋㗎！最驚喜係炸完嘅蝦蝦肉依然鮮味十足，肉質彈牙！🌟鹽燒喜知次呢款係日本特色嘅美食嚟錢，唔係好多日式餐廳有，難得見到，當然要叫嚟試下啦☺️！餐廳係成條魚咁上，燒得好金黃，而且未食已聞到陣陣香味！魚肉外層香脆可口，而魚肉肉質就好嫩滑，而且Keep到魚嘅鮮味，真係好好食！必推！