雲壽司 (聯成商業中心)

Open Now

Now Closed

💖呢間壽司店出名好味得黎價錢幾抵，今日黎試下佢地嘅晚餐。餐廳全部座位都係吧檯，可以望住師傅捏壽司。1⃣️壽司拼盤🍣 $180💖呢款有十種壽司，包括油甘魚、三文魚、甜蝦、真鯛、帆立貝、三文魚籽、池魚、吞拿魚腩、北寄貝同埋辣味三文魚。💖一上到嚟食咗味道較清淡嘅白肉魚先，個人鍾意真鯛，肉質煙韌，味道鮮甜，紋理好靚。帆立貝同甜蝦🦐都好新鮮。呢度嘅壽司飯都好結實，唔會散。💖再食紅肉魚，全部幾切的幾厚🥰吞拿魚腩有油脂感，好肥美，池魚就配上姜蔥食用。最後食埋啲軍艦，三文魚籽多到跌晒出嚟🤣粒粒都好飽滿😍💖呢度有好幾位師傅，上菜好快。除咗套餐仲可以單嗌壽司或者要丼飯，選擇好多。