肯德基家鄉雞 (KFC)

Open Now

Now Closed

今日買咗個kfc外賣早餐，好抵食，17蚊有杯熱飲，有一碗蕃茄湯通粉，同埋一條芝士火腿卷。因為天氣凍，好心急就食曬碗蕃茄湯通粉，影唔到相畀大家睇，但係都想介紹下，佢嘅蕃茄湯，酸酸地好開胃，仲有粟米粒，味道唔錯，湯清啲，通粉浸咗半個鐘先食，都冇浸林，係咁凍天氣，食番碗熱嘅湯通粉幾正。呢條芝士火腿卷原來係炸過嘅，大塊粉皮卷著芝士火腿呢焗，好似春卷咁，但係非常香脆，而且大條啲，不過芝士火腿餡，係要食到中間先至有，開頭嗰幾啖，就齋食粉皮，見到粉皮外面有啲黑色點點，原來係黑椒，食落幾香口。芝士喺個卷裏面焗到溶溶地，好似芝心批個邊咁樣，軟綿綿又香，火腿咸咸地，皮又脆，口感好豐富，係餡少啲啫。每朝一杯咖啡，要嚟醒神，其實食得快餐店冇乜要求，最緊要有咖啡味就得，杯咖啡都幾香濃，落一包咖啡糖啱啱好，唔落糖的話就苦啲，視乎個人口味。總結，抵食！早餐有餐茶，湯粉，芝士火腿卷，其實等於茶餐廳嘅abcd餐，不過分量全部縮細少少囉。咁平，都算畀足料你啦。