大頭蝦南風海鮮酒家

Open Now

Now Closed

秋涼行山係指定動作，睇完芒草當然要去醫肚，但東薈城食黎食去又係果d連鎖式餐廳，就搵下有冇其他好野食。今次就俾我地幾個為食鬼搵到呢間隱世大排檔。好家庭式既小店，有室內同室外，門口重可以泊車。首先斬左個燒味雙拼-燒鵝配切雞，兩份都係脾，啖啖肉。燒鵝好香鵝味，唔算好肥。而切雞肉質好滑。小炒皇-腰果香脆好食，有蝦乾既鮮味，韭菜花又嫩口無渣。冬陰功湯煮蜆-冬陰功惹味開胃，可以空口飲，蜆肉鮮甜肉厚。蓮藕豬肉餅-呢個藕餅比較腍身，食都有粒粒既蓮藕粒，似係半煎炸，有啲脆邊。酸菜煮原條鯇魚-天氣涼，食返個熱辣辣，煲下煲下既酸菜魚，又暖身又開胃，而且條魚十足斤兩，泡過油，但唔影響其肉質既嫩滑，呢個煮方重撇除咗鯇魚既草腥味。而且重有芽菜豆卜等做配料。