香港仔冰室

Open Now

Now Closed

好少來葵涌呢頭，我就連葵涌葵興葵芳都搞唔清。拎完田叔叔計劃的圖書之後，覺得肚餓，就同老婆喺附近搵嘢食。唔知邊一間好食，於是就喺地鐵站隔離嘅葵興廣場逐層逐層睇。去到最後一層最後一個舖位見到有茶餐廳，價錢都幾合理於是就走入去。入去嘅時候見到好多人都嗌炒粉麵飯， 隔離枱啲炒飯炒得唔錯粒粒分明， 所以我同老婆都叫炒粉麵飯。我叫咗是日午餐黑椒乾炒牛柳意粉，我老婆就叫咗鹹魚雞粒炒飯。鹹魚雞粒炒飯真係炒得唔錯，幾有鑊氣，飯可以做到粒粒分明，係質素高的炒飯。鹹魚數量都唔差。黑椒剛炒牛柳意粉，鑊氣都好足夠，而且牛肉粥了，黑椒味香，只係略嫌味道單調。杯咖啡都唔錯，有普通茶餐廳水準夠香濃。