冬蔭NOODLE (Closed)

今晚同男朋友去尖沙咀度食泰國菜，間餐廳喺The One對面，位置都好方便，而且好易搵。呢度嘅環境都幾舒服，而且裝修好多粉紅色，鍾意粉紅色嘅朋友應該會好鍾意。海鮮配料冬陰公湯面：啲海鮮都幾新鮮，而且個冬陰公唔算太辣，都幾好味。船河：呢度嘅算可聽講係推介，味道都真係相當唔錯，啲料都好好味。手打蝦餅：喱個蝦餅好值得推介，因為真係好好食，啲皮好脆，而個蝦滑就好爽口彈牙，個味道亦都非常唔錯，熱辣辣咁樣食嗰陣時真係好好味！一份有八小舊，都抵食。甜蜜蜜碟豆花菜：呢個嘢飲好得意，呢啲檸檬汁，就會由藍色變紫色，好似返返去中學做實驗咁。而個味道清清地。泰式玫瑰奶茶：無飲過玫瑰奶茶，所以就叫黎飲下。個味道幾特別，好香玫瑰花味，鍾意玫瑰花飲品嘅人應該會幾鍾意呢個奶茶。椰汁西米糕：個甜品好好食，啲椰奶好香，值得推介。