泰筏味泰國船河專門店 (Closed)

今日去咗旺角行街，Openrice 下睇下食咩好。揀左附近的泰國船河專門店-泰筏味度食飯，價錢非常親民。呢度會教埋你點樣落order係最好的，很有特式。我地兩個人叫左三個船河，分別係牛肚船河、牛丸船河金邊粉和海南雞船河。呢度既船河好得意，每一碗都係細細碗，但就整得好精緻，而且味道仲係十足十泰國地道風味。小食我地叫左黃金炸蝦餅、燒豬頸肉和串串鷄軟骨。炸蝦餅炸到卜卜脆，而且食落好鬆脆，仲要一滴油都無係面，真係抵讚。燒豬頸肉非常好味，一d都吾乾食，配理泰式醬一齊食，非常野味。甜品我地叫左芒果糯米飯。細細碟，兩個人食就剛剛好。飲品我地叫左椰青和椰汁冰。個椰青好新鮮同鮮甜，解渴一流。