Add Some Thai Restaurant

Open Now

Now Closed

觀塘真係愈黎愈多好餐廳，今晚黎左呢間add some thai。就咁睇裝修都幾靚，以為會好貴，但原來啲價錢都幾平民，好多都係below100，試多幾款都唔太肉赤呢。就算係特色菜都唔會太貴。先點左飲品先，我果杯係龍眼冰，本身冇咩特別期望的，因為都好大路，但佢地做到成杯都有果肉係入面，中意食龍既朋友絕對要試呢杯，好甜好滿足！前菜點左個冬蔭功海鮮湯同埋炸蝦餅，全部份量都好多，估唔到咁抵食呢。主菜仲有炒金邊粉同燒雞半隻，金邊粉的蝦係用咸蛋黃醬炒的，好特別呢。燒雞本身有啲乾，不過配埋泰式酸辣醬食就岩岩好。總括黎講，我覺得add some thai都幾高質，地方又舒服，份量又多，朋友share黎食都夠分，可以再黎多幾次呢。