Add Some Thai Restaurant

Open Now

Now Closed

觀塘區內美食店林立，大家都會想起有大量選擇的駱駝漆大廈，今日就跑到「Add Some Thai」來試下泰國菜。睇睇餐牌菜式甚豐富，散叫或套餐都齊全。今次點了二人套餐，套餐包括有前荣，湯，小食併盤，炒菜，還可加$100將主菜轉為咖哩炒蟹, 加多$48有芒果糯米飯甜品。青木瓜沙律 大量爽脆青木瓜絲紅蘿蔔絲生菜絲，配上酸酸甜甜的魚露醬汁，還有鮮蝦做配搭，清新又醒胃。椰青雞湯 雞湯肉味又帶點棷青清香，配搭起其他泰國菜式真係剛剛好。小食拼盤 併盤有八款小食中任揀四款，我就選了香口惹味單骨雞翼，香甜燒菠蘿，沙爹雞肉串燒，彈牙爽口手打蝦餅，款款都十分美味，碟旁還配有脆脆蝦片。咖哩炒蟹 這碟咖哩炒蟹，蟹身都大有肉，咖哩醬汁味道温和，用蒜蓉包配食，夾到絕。馬拉盞通菜 通蔡炒到翠綠爽脆，馬拉戔咸香味適中。芒果糯米飯大大片香濃芒果舖在較糯米飯上，店主還配上椰子雪糕，清香甜美。凍檸檬茶飯後來一杯凍檸檬茶，茶味濃郁檸檬味香散， 解膩消暑。總括來講，這個二人套餐cp值高，選擇又多，下次會再來試過其他菜式，相信一定有驚喜。