豐鍋雞煲 (荔枝角道) (Closed)

平時好鍾意食雞煲，所以放工經過見到有麻辣雞煲就去試吓。叫咗個二人餐，有半隻雞、肥牛同豬腩片、水餃同墨魚丸、響鈴、雜菜同烏冬，仲配兩罐汽水。同行朋友唔食得辣，於是叫咗唔辣既雞煲，點知又幾好食喎。雖然走咗辣，但帶有少少麻味，而且個汁好入味。好好彩甘有好多雞腿肉，好滑。切到大大件都好入味，而且仲好有咬口添。肥牛大大片，肥瘦分明，仲好嫩滑。豬腩片唔會肥，兩樣都好新鮮。水餃皮薄餡多，至愛韭菜餡。墨魚丸好彈牙，冇雪藏味。雜菜煲有生菜、白菜、菜芯、油麥菜，總有一款啱你心水。響鈴就烏冬係扁身個種，好滑，又彈牙。勁大件，好滿足。我就升級咗特飲，揀咗水蜜桃梳打同藍蝶雪梨，唔會好甜，好解渴。