煲煲店 (Moved) New Location

今日係到紅磡火車站隔離個商場嘅呢個food court 一入到去 因為係lunch time所以都好多人 仲有好多地盤哥哥同學生都嚟呢度搵嘢食 選擇都幾多有十幾間鋪頭 今日就試下呢間都幾多人排隊嘅煲煲店 主打食煲仔飯 餐牌上面淨係煲仔飯就42蚊起 而套餐加咗油菜同嘢飲或者例湯就48 但係午餐就45蚊咋 叫咗個豉汁排骨煲仔飯 有埋油菜飲凍啡都係45蚊 等咗十分鐘終於有得食 排骨分量都幾多 幾入味咬落又林身但係冇鬆肉粉嘅味道 豉椒味道幾出 飯比較淋唔夠乾身 飯焦效果一般 加上煲仔飯豉油好香 豉油分開上 可以畀你識教調教分量 夠曬細心