煲煲店 (Moved) New Location

星期六一朝早想食清淡啲，食粥就絕對係一個不錯嘅選擇👍🏽一入到food court就見到呢間煲煲店，一開頭以為淨係得煲仔飯，點知原來仲有生滾粥，咁咪試下囉。生滾粥的選擇都算多，不過就冇傳統粥店有嘅皮蛋瘦肉、 艇仔粥，相反有冬菇、粟米、鯪魚球等特別的配料。最後，我就點左一碗冬菇雞球粥。冬菇雞球粥（評分：⭐️⭐️⭐️⭐️）呢間係位於置富都會的food court，所以係以自助形式點餐，買完之後，店員會比個牌你，咁你就可以搵個位坐低慢慢等。當時大約中午時分但可能係因為星期六的關係，所以成場唔算多人，但因為係生滾粥，要即刻煮，所以我大約等了5至10分鐘先有。一收到的時候，最令人驚喜的是碗粥是用沙煲裝住，保溫程度非常高，所以就算食得幾慢都好，都唔會怕啲粥會攤凍。喺味道方面，冬菇雞球粥入面當然會有冬菇同雞啦，另外仲有少少娃娃菜，加上葱花。味道不錯👍🏽而且如果買粥，仲可以加$6有一碟腸粉或者加$6有飲品或汽水。所以我加咗一碟腸粉，味道都正正常常。如果想要其他醬料，店面亦有提供，可以另外自己落。總括而言，我認為呢間舖的生滾粥味道不錯，選擇亦多。不過可惜的是，它是位於food court，同場有不少其他食店，雖然

Lunch time 跟同事去了紅磡置富都會廣場food court, 好想食麵, 但唔想食車仔麵, 就揀咗呢間煲煲店嘅煲仔麵食下, 都幾特別, 之前未試過。我點了蕃茄湯墨魚丸魚片粗麵, 等了大概6分鐘就可以拎餐, 湯底雖然蕃茄味不突出, 但有很多蕃茄, 啱晒鍾意食蕃茄嘅我。墨魚丸有四粒, 魚片都有幾塊, 店方對材料不吝嗇, 呢點要讚。 墨魚丸都幾彈牙, 魚片味道不過不失, 沒特別。以呢個$40幾蚊價錢, 我覺得係合理, 下次如果再嚟呢個food court, 我諗我會再揀呢間煲煲店。ps 呢間煲煲店在繁忙時間唔需要排好耐隊, 好過同場要排好耐嘅胡椒廚房。

去睇演唱會當然別去紅磡food court食嘢，走咗一個圈，最後揀咗呢間煲仔飯，因為我鍾意即叫即整。我就帶咗一個最普通嘅鹹魚肉餅煲仔飯，佢會送埋一碗湯同埋一碟菜，真係好抵食。叫完之後，要等大約10至15分鐘先有得食。一開始就飲下碗湯，普通中湯，唔算重味精，所以我都飲晒成碗。到主菜啦，一開始好熱，熱到整親個咀，肉餅好鬆軟，但有少少偏鹹，再加埋鹹魚仲鹹，因為偏鹹緣故，所以佢比我嘅豉油我都只係落得好少，整體來講如果唔係咁鹹其實都幾好食，下次我都會再試吓其他唔同餸嘅煲仔飯。

今日去試咗一間價錢親民嘅煲仔飯，由於呢間煲仔飯店位於food court裏面，因此午餐時間會比較多人，建議兩三點先去食😆我就試咗一個北菇滑雞煲仔飯，我朋友就試左鹹魚肉餅煲仔飯。每個餐附送豉油一小碗同埋是曰餐湯～味道方面，個人認為北菇滑雞煲仔飯的雞肉頗多，而且肉質厚實，值得推介！美中不足的地方是，飯焦不算多，而個人是挺喜歡吃煲仔飯的飯焦的。鹹魚肉餅煲仔飯方面，肉餅裏面加咗馬蹄碎，並且比較厚身，口感不錯。而且鹹魚亦都好大塊，送飯一流😋😋

中午黎到置富都會既Food court，決定食香港地道野食-煲仔飯。food court有咁多野食，煲仔飯算係個到有特色既野食。叫左一個咸魚肉餅飯加凍奶茶，等左10分鐘就拎得。因為學生既關係，$40就已經搞掂。係紅磡黎講都算平同抵食。肉餅加豉油撈飯，仲有飲焦同咸魚，味道唔錯，唔洗出油麻地都食到唔錯既煲仔飯。不過我就唔識欣賞飯焦，都係覺得苦。另外佢既咸魚係原隻上，靚就靚啦，不過如果切碎上，黎撈飯就好好多。

煲煲店 系置富都會food court 個陣聽poly人講呢間好出名本身已經好抵食如果你有poly學生證 仲有discount添平靚正之選👍🏻👍🏻👍🏻👍🏻小編叫左個蒸肉餅煲仔飯加左條潤腸😂唔細碗嫁 肉質唔鞋😍馬提 都幾多 幾爽口冬菇粒多幾粒會更正😂😂😂好彩小信子幫手食🤗🤗🤗個汁較得幾好 👍🏻

今日係到紅磡火車站隔離個商場嘅呢個food court 一入到去 因為係lunch time所以都好多人 仲有好多地盤哥哥同學生都嚟呢度搵嘢食 選擇都幾多有十幾間鋪頭 今日就試下呢間都幾多人排隊嘅煲煲店 主打食煲仔飯 餐牌上面淨係煲仔飯就42蚊起 而套餐加咗油菜同嘢飲或者例湯就48 但係午餐就45蚊咋 叫咗個豉汁排骨煲仔飯 有埋油菜飲凍啡都係45蚊 等咗十分鐘終於有得食 排骨分量都幾多 幾入味咬落又林身但係冇鬆肉粉嘅味道 豉椒味道幾出 飯比較淋唔夠乾身 飯焦效果一般 加上煲仔飯豉油好香 豉油分開上 可以畀你識教調教分量 夠曬細心

下雨天的午餐, 唯有留在公司樓下的商場比較安全. 同事有急事唯有到筆者不太喜歡的FOOD COURT 來過快快午餐. 有別於新興的FOOD COURT如 Cooked Deli及大食代中的食店, 大都是連鎖食店而且貴. 相反位於都會商場內的FOOD COURT比較街坊, 價錢親民, 因此午飯時間經常人山人海, 特別多理大學生. 今日天氣突然轉冷, 就到這間專門做煲仔飯的煲煲店點個暖笠笠的煲仔飯!兒時如要品嚐好味又正宗的煲仔飯的話, 當然要到廟街或大排檔用炭爐生煮的煲仔飯. 可是時代變遷下, 這類炭爐生煮的煲仔飯店已經慢慢消失, 這個味道唯有留在我的記憶當中. 煲煲店這類新式煲仔飯店用上全自動電爐煲煲仔飯, 效率提升不少, 味道要試試才知曉.煲煲店除有煲仔飯外, 還有煲仔粥及煲湯麵. 款式五花八門, 連飲品價錢五十元內.煲仔飯預備時間不到十分鐘, 比傳統的煲仔飯節省了近倍的時間.<鹹魚肉餅煲仔飯配時菜+凍菜蜜 $47>肉餅中間竟然淘空了, 把鹹魚放在中間位置. 一般餐廳的做法都是全份肉餅上放鹹魚的. 這裏的做法有點兒偷工減料.肉餅肥痩都合宜, 調味都恰到好. 雖然入口軟綿

天氣開始轉涼，小新同愛麗絲就去poly附近既商場food court食煲仔飯喇☃愛麗絲好中意食煲煲店🙈 一泥好食，又平，又飽肚，所以次次去親都薈food court都會幫襯，poly學生仲有$37既"理工餐"，包野飲同菜，咁平可以食到煲仔飯真係好正😍而愛麗絲次次都會叫馬蹄肉餅煲仔飯😍 極力推介呀😍👍🏻 首先，個肉餅又大又厚，每次倒完豉油，一羹肉餅連埋飯食，會咬到一粒粒脆口既馬蹄，食落口有豐富既口感，而且暖笠笠，寫寫下都令人回味😂 而小新就叫左個窩蛋牛肉煲仔飯，都係$37🙆🏽 呢個飯就左左可以撈蛋食，半熟既蛋連埋牛肉餅，特別香咖😁 大家唔洗怕啲肉會唔熟🙈 愛麗絲次次食都係熟既，不過等既時間就要預耐啲，約十五分鐘啦～如果唔想太熱，可以攞多個碗仔，每次逐啲逐啲食，咁一泥又唔洗熱到食唔到，二泥留係煲裡面既飯又可以保温嘛😎👏🏼

2015農曆羊年最迎節, 熱沸沸香噴噴的”煲仔飯”現代煲仔飯味道已有很多選擇(包括: 潤腸, 窩蛋五香丁, 豉椒龍利魚, 牛腩, 鯇魚腩), 真是目不最暇給, 而筆者最愛是”鹹魚肉餅煲仔飯”套餐(包括一碟白菜仔, 一杯熱菜蜜).個碟白菜仔不似一般常菜, 好清甜, 份量可以多少少, 就更好.主菜” 鹹魚肉餅煲仔飯”, 肉餅質感好鬆軟, 夠熱沸沸, 半條鹹魚濃厚香味, 色澤可以, 送飯吃是一流或適合送白粥( 老幼都會喜歡), 白飯量有d 感覺不夠, 以套餐黎講, 都夠頂肚. 最後一杯熱菜蜜, 筆者喜歡半甜半淡菜蜜, 能滋潤, 感覺好滿足(只是個人品味). 地點就是紅磡火車站對面置富都會2樓Foodcourt 內叫”煲煲店”.

多數人去此店都係食煲仔飯, 但係飯太HEAVY, 所以就食佢個米線呢個係墨丸魚肉鮮茄米線, 好impressed, 因為真係好清好健康的感覺! 無咩味精又無咩油, 食到自己煮的清新感覺, 想食得健康D的, 真係可以試下

個人黎講，自己成日都需要係紅磡食飯，咁今次lunch呢，我就去左好近火車站既置富都會入面food court既煲煲店 。故名思義，佢就當然食煲仔飯為主，我就叫左牛腩煲仔飯，佢d牛腩都幾lum, 仲有唔少牛筋添，正呀！好既係，我叫既時間係非繁忙時間，但係佢唔洗五分鐘就俾到我啦！

我食飯，阿仔又食飯，給小朋友食總覺得清淡少少會比較好，於是，我就到 food court 的另一檔《煲煲店》整一個煲仔飯給他。我為他點的，是咸魚肉餅飯，有湯，有菜，感覺非常之抵食，而且飯的份量之大，是工友或大學生才可以一人KO的大煲飯。此時，太太已開始罵，這煲飯你地兩父子分咪夠囉，阿仔點食呀.....肉餅很大很厚，未食也感覺到其香，再好的就是給我們伴飯的甜豉油，簡直是一個 catalyst，整煲飯的美味飯香，肉香，咸魚香，如沒有那豉油做點綴，一切都不會美好。美味的煲仔飯，既健康又豐富，我同小兒合力吃了一半，另一半包走給小孩作晚餐。感覺是簡單而美味，若是要再來這一個 food court 飲食，我會再來這家弄個煲仔飯。

在都會廣場食晚飯，想起了2年前食過的煲仔飯，於是再試。叫了鹹魚肉餅煲仔飯，35蚊有菜有湯。鹹魚如果可以"溶"d就好，可以撈飯，而家只可當蒸魚食，不過無研究開鹹魚，唔識點先為之正宗。肉餅+飯都好味，如果你食過廟街，我會覺得哩個飯同廟街o個幾間不相上下，起碼好過唔係最出名但貼了明星訪問o個間-_-湯普普通通la~位於food court 35蚊，甚至lunch ge 25蚊唔係諗住真係會煲一碗拍得住阿媽ge湯比你呀ma？

My kid got a "煲仔飯" mobile phone accessories to me and that raised me want to have "煲仔飯". The most convenience way is to grab one here. My colleague showed his PolyU student ID (for HK$3 discount) and the 煲仔飯 just costed me HK$25. I choose "窩蛋牛肉飯" and came with an order of choy-sum and a beverage (Chinese tea). After paying, the staff gave me a ticket and asked me to wait for 10 minutes. The shop uses electric cooker to make it. It looked nice with good smell. It has crisy rice (飯焦 ) at th