正九清湯腩 (群星大廈)

Open Now

Now Closed

而家晚市冇堂食，去觀塘做嘢順便買份牛腩加餸。呢間餐廳好近街市，位置方便。呢間餐廳好耐以前都食過幾次堂食，除咗牛腩仲有少見嘅台式牛肉羹。🥢淨牛三寶 $128牛筋、牛肚、牛腩牛筋口感爽滑，啖啖骨膠原。牛肚煮得入味又夠腍。牛腩肥瘦均勻唔會好多肥膏。肉味又濃郁，有少少筋幾有咬口。清湯充滿牛肉香，仲有清甜嘅白蘿蔔。相對嚟講超多牛勁少蘿蔔，大大兜幾抵食。🥢油菜 $19呢個時勢菜貴過肉。份量多都幾抵，隨時平過自己買菜煮。