蘇波記川湘粵菜館

Open Now

Now Closed

最近剛剛過了休魚期，與好友太耐沒有相聚見面，大家約埋週未一齊入長洲行下，食下海鮮🦞。當日4點左右入到長洲，太耐未試過咁少自遊行，好自在地周圍行下，過一個休閒嘅週末。之後去左一間海邊小酒吧，一邊飲生啤🍺，一邊食烤蝦乾，一邊吹著海風，一邊與朋友吹水。到了7點左右，去了預先訂好位的蘇波記食飯。好在之前訂左位，可以坐在店內有冷氣的地方，我地一行6位，叫生猛海鮮再加工煮，有芝士龍蝦（2斤幾）伊麵、豉椒炒蟶子、薑蔥炒蟹、蒜蓉粉絲蒸扇貝、白灼海中蝦、椒鹽九肚魚、湯粉絲大蜆，最後叫左碟小菜 焗魚腸，每樣菜式都煮得非常入味，因為海鮮夠新鮮。下次再入來長洲，一定會再來蘇波記👍🏻