B-mix 燒肉餐酒館 (Closed)

抵食白鰻魚之《B-mix燒肉餐酒館》生日飯round 3，生日飯唔好比佢停，朋友話請我食B-mix燒肉，餐廳裝修不錯，地方大，座位好舒服，靠背座位既sofa較高，私隱度幾好，同朋友食飯傾偈絕對係不錯選擇，活白鰻魚 $238：白鰻魚非常肥美，份量多，職員教每邊燒2mins，燒4次就食得，成條上切得幾靚仔，師傅刀功不錯，燒到第3round可塗上鰻魚汁，鰻魚十分新鮮，皮燒得脆脆地好香口，肉質彈牙，入口有魚香，火山牛五花 $288：呢個火山牛影相打片真係無得輸，份量多，唔洗燒太耐就食得，幾香牛味，包埋生菜食非常夾，薩摩赤雞腿肉6件 $68：來自日本的薩摩赤雞，肉質鮮嫩，滑溜，薩摩赤雞腎 $48：肉質香滑，爽口彈牙，不過個人中意雞腎切薄片食，伊比利亞黑毛豬頸肉 $78：油脂燒起上黎夠甘香，入口啖啖肉，砵仔蒜蓉牛油野菌 $38：用錫紙兜裝住，好方便，成個兜放上去燒，途中要反一反d茹，令所有茹都可以沾上蒜蓉牛油，燒完既雜菌好Juicy，食入好香蒜蓉牛油味，海苔米飯 $28：海苔飯面有大量海苔，送飯非常好，麒麟啤 $68：食燒肉，點可無啤酒，呢餐生日好滿足，食材新鮮，價錢唔貴，埋單仲有雪米糍做甜品呢，