Video
Read full review
2017-07-23
400 views
放工又係時候去搵食嚕～ 今次終於唔係尖沙咀喇，我地黎到位於遠尖沙咀少少既太子既Cafe Paradise！有以前住太子既同事都話一直都想試下Cafe Paradise，奈何每次都冇位。咁今次就由我幫佢試下好唔好味啦Cafe Paradise既位置都唔算難搵，由地鐵站D出口行大概十分鐘，過幾條馬路就見到，都幾當眼。店面一眼望曬，唔係好大，大概只有2x個位。所以好多人都選擇訂位，如果唔係夜少少黎就要等位架喇～餐廳既牆痴左好多同食客一齊影既即影即有，好似同食客既關係都幾好咁～ 點解唔同我地影既？haha 枱上一早已經擺定成支水，方便食客自己斟 最岩我呢啲成日要侍應幫手斟水既麻煩友我地三個人，每人叫左一個晚餐。佢除左晚餐menu之外，普通menu上既菜式都可以加錢轉餐，選擇相對多左～田園沙律首先上既係跟餐既沙律。啲菜好新鮮，咬落去索索聲 不過我就嫌個汁太少，如果可以多啲就會更加好是日餐湯跟住就到餐湯喇～果日既餐湯係西蘭花忌廉湯，正呀，岩曬我口味！煙三文魚蜆肉天使麵 ($118)首先上既係朋友叫既呢個天使麵。睇落蜆肉同煙三文魚都唔多，但其實係比啲菜遮住左姐我就覺得呢個天使麵比起一般既粗少少，更加
有以前住太子既同事都話一直都想試下Cafe Paradise，奈何每次都冇位。咁今次就由我幫佢試下好唔好味啦
Cafe Paradise既位置都唔算難搵，由地鐵站D出口行大概十分鐘，過幾條馬路就見到，都幾當眼。
店面一眼望曬，唔係好大，大概只有2x個位。所以好多人都選擇訂位，如果唔係夜少少黎就要等位架喇～
餐廳既牆痴左好多同食客一齊影既即影即有，好似同食客既關係都幾好咁～ 點解唔同我地影既？haha 
枱上一早已經擺定成支水，方便食客自己斟 最岩我呢啲成日要侍應幫手斟水既麻煩友我地三個人，每人叫左一個晚餐。佢除左晚餐menu之外，普通menu上既菜式都可以加錢轉餐，選擇相對多左～
田園沙律
7 views
0 likes
0 comments
首先上既係跟餐既沙律。啲菜好新鮮，咬落去索索聲 不過我就嫌個汁太少，如果可以多啲就會更加好
是日餐湯
17 views
0 likes
0 comments
跟住就到餐湯喇～
果日既餐湯係西蘭花忌廉湯，正呀，岩曬我口味！
煙三文魚蜆肉天使麵
$118
17 views
0 likes
0 comments
首先上既係朋友叫既呢個天使麵。
睇落蜆肉同煙三文魚都唔多，但其實係比啲菜遮住左姐
我就覺得呢個天使麵比起一般既粗少少，更加有嚼口，而且仲可以更索汁添
香煎龍脷柳配牛油檸檬汁
$138
12 views
0 likes
0 comments
跟住上既係我既龍脷柳！
龍脷柳外層煎得香脆，但又保留到入面肉質既嫩滑。咁樣既外脆內軟實在令人想食完又食呀
而且龍脷柳同淋上面既牛油檸檬汁相當夾！食龍脷柳既時候就係最想有啲酸酸既味一齊食
menu上冇註明係飯定意粉既餐就一律會配薯菜。我自己就一向中意薯角多過薯條既，所以我食到連朋友既都食埋
香脆豬手配燒汁
$148
15 views
0 likes
0 comments
佢起個名真係冇起錯呀，個豬手真係又香又脆！
雖然呢個係朋友叫既，但我都偷食左好多 佢話太大佢食唔曬wor～
食豬手我覺得最重要就係脆脆既皮，但好多地方既豬手都唔知點解有脆皮就冇肉，有肉啲皮就淋。
好好彩呢度既豬手兩樣都有！可能係來貨靚啦～
而且皮同肉中間既既肥膏都唔多，所以可以食得更加滋味
menu上冇註明係飯定意粉既餐就一律會配薯菜。我自己就一向中意薯角多過薯條既，所以我食到連朋友既都食埋 而且點佢豬手既芥辣就仲正
是日甜品
8 views
0 likes
0 comments
最後就到甜品喇！
果晚係甜品係芝麻慕絲蛋糕，侍應話如果賣曬就會出朱古力慕絲蛋糕。
因為本人唔食芝麻既關係，就問佢地可唔可以提早比個朱古力我。
店員都好好，肯滿足我呢個要求
唔好睇啲蛋糕的的骰骰咁，其實個餐有咁多野食，去到個甜品都飽到七七八八架喇，咁既大細就岩曬！
佢既蛋糕係上層慕絲，下層蛋糕，最頂仲會喳啲cream添，正！
朱古力慕絲蛋糕唔係話好甜，配埋杯餐飲咖啡就最正喇
住喺太子/深水埗既朋友一定要試下呀！
Cafe Paradise係價錢比較公道而且野食又好食既餐廳。
唯一美中不足既一點就係太少座位，所以佢每晚會做兩輪（好似），到咁上下就放番啲位出黎比出面等緊位既人。
唔想等咁耐既話就記得book定位先/早啲黎喇！
下面放番menu：
Post
