鴻陞泰國菜

Open Now

Now Closed

一陣子冇去九龍城食泰國嘢，今次決定食一間未食過嘅泰國餐廳。鴻陞泰國菜嘅門面唔起眼，一不留神就會錯過咗。入到去餐廳乾淨企理，裝修簡簡單單。坐低先飲一個冰凍嘅椰青，消暑又解渴；仲可以刮啲椰子肉出嚟食，甜甜地又爽口。慢慢睇吓menu，食物選擇勁多！我哋食咗咖喱配蒜蓉包、串燒同埋泰式炒金邊粉。串燒最快上枱！我哋點咗豬牛雞每樣兩串，配埋餐廳自家製沙嗲汁就啱晒。黃咖喱雞醬汁豐富，可以選擇配蒜蓉包或者煎餅。我哋揀咗蒜蓉包，一客四件幾抵食！泰式炒金邊粉味道酸酸甜甜好開胃，配料都幾豐富，鍾意佢好多芽菜，食落好清新👍本身仲想食甜品，不過個胃冇位啦😹 下次下次。