赤

Open Now

Now Closed

午市套餐，牛肉壽喜燒，湯底好濃，牛肉好軟滑，配菜有紹菜、金菇、白蘿蔔、紅蘿蔔、洋蔥等等，吸收晒壽喜燒汁嘅味道，好入味。太好味，用嚟送飯，食一碗白飯都唔夠。套餐配嘅飯，並唔係白飯，上面加咗紫菜、芝麻飯素，好好味。套餐仲包含蒸蛋，非常香滑。午餐仲有馬糞海膽吞拿魚蓉丼飯，海膽好鮮甜，吞拿魚蓉配合蔥花，好新鮮，好好味。每份套餐仲有一碗蒸水蛋，好香滑，有上湯嘅味道。一夜干燒黃花魚，做到外脆內軟，熱辣辣，魚肉好Juicy、好新鮮。呢度串燒好出名，我哋揀咗牛舌芯串燒、豚肉秋葵卷串燒、雞翼串燒、雞軟骨串燒、豆腐串燒、鰻魚串燒。好鍾意餐廳係一串一串咁燒烤，燒完即刻上枱，非常新鮮熱辣，食完一串，再上一串，唔會因為食得慢，而凍咗。