磊犇 (Closed)

太子真係一個美食天堂，早排深水埗有間石版燒，排晒長龍，根本冇機會食到。而家呢度竟然開咗間差唔多樣嘅，可能因為新開冇乜人，即刻入去試試！估唔到佢啲價都幾親民，最平$70就食到。我哋兩個人就叫咗一份磊牛扒同一份西冷牛扒各300g。喺門口叫完嘢食就入去坐低，飯同麵豉湯同沙律都係任食，飲品都唔例外，凍綠茶幾好飲！上枱啦！JAJA聲好清脆，呢個時候一定要快啲切開佢。磊牛扒上圖西冷扒上圖要快啲切開佢等佢每一面都均勻地燒。有唔同嘅醬任君選擇，咁就唔怕食滯喇。個人覺得最平嗰隻牛扒都已經好好食好有牛味。可以一試！