Video
Read full review
2019-06-23
92 views
Fiancé最近返工留意到呢間餐廳夜晚有buffet食，又唔貴，星期一至四$238加一，星期五至日、公眾假期前同公眾假期都係$268加一，無論幾時食幾多人都有龍蝦汁海鮮盛宴送！留意返，原來6點先會開門，我地早左十分鐘到，見正門無開，搵左第二邊搭𨋢上去，上到去咁啱有職員後門出黎講我地知佢地六點先開，我地先知未夠鐘佢地係唔開。一夠鐘佢地開後門請我地入去，真係好彩有人知我地企係出面，唔係有排都入唔到去😅😅入到去見到個裝修好靚，好有心思，啲牆磚好有西班牙feel，座位夠闊落👍🏻坐得舒服。野食雖然唔及酒店buffet咁多，但呢個價錢有海鮮食，我覺得已經好抵，同埋我都未試晒所有野都已經飽左，始終唔係酒店咁大規模咁多人食，好難有咁多菜色，唔係會造成太多浪費。我覺得全晚最正係個海鮮盛宴，一啲都唔hea，估唔到有鮑魚食！重要一啲都唔韌，煮得啱啱好。扇貝同青口非常大隻，又係煮得啱啱好，唔韌之餘又嫩又鮮甜！魷魚🦑都係好鮮甜唔韌，蜆煮完重大隻無大縮水，無沙👍🏻，但蝦🦐就一般。個底重有啲粟米🌽、翠玉瓜同紅蘿蔔🥕。個龍蝦汁雖然唔係好濃龍蝦味，但佢唔太鹹，配海鮮好食👍🏻沙律有五款：蟹籽蟹棒藜麥沙律、雜果沙律、吞拿魚
留意返，原來6點先會開門，我地早左十分鐘到，見正門無開，搵左第二邊搭𨋢上去，上到去咁啱有職員後門出黎講我地知佢地六點先開，我地先知未夠鐘佢地係唔開。
一夠鐘佢地開後門請我地入去，真係好彩有人知我地企係出面，唔係有排都入唔到去😅😅
入到去見到個裝修好靚，好有心思，啲牆磚好有西班牙feel，座位夠闊落👍🏻坐得舒服。
野食雖然唔及酒店buffet咁多，但呢個價錢有海鮮食，我覺得已經好抵，同埋我都未試晒所有野都已經飽左，始終唔係酒店咁大規模咁多人食，好難有咁多菜色，唔係會造成太多浪費。
我覺得全晚最正係個海鮮盛宴，一啲都唔hea，估唔到有鮑魚食！
重要一啲都唔韌，煮得啱啱好。扇貝同青口非常大隻，又係煮得啱啱好，唔韌之餘又嫩又鮮甜！
魷魚🦑都係好鮮甜唔韌，蜆煮完重大隻無大縮水，無沙👍🏻，但蝦🦐就一般。個底重有啲粟米🌽、翠玉瓜同紅蘿蔔🥕。個龍蝦汁雖然唔係好濃龍蝦味，但佢唔太鹹，配海鮮好食👍🏻沙律有五款：蟹籽蟹棒藜麥沙律、雜果沙律、吞拿魚長通粉沙律、 泰式青木瓜大蝦魷魚沙律同三色bell pepper紫洋蔥。只係試左木瓜沙律，酸得黎帶少少辣幾開胃～重有啲車厘茄、青瓜同埋粟米俾你自己撈醬，有日式芝麻醬、黑醋汁同埋千島醬。
最驚喜有芝士食🤣試左Camembert配餅乾條，餅乾條夠crunchy，Camembert好軟滑👍🏻 芝士隔離重有生果，菠蘿、西瓜同紅火龍果，酒店buffet都未試過有紅火龍果，呢度竟然有！👍🏻
熱野都算幾多選擇，首先一打開豬羅紀😍😍嘩！有ribs、豬手、豬肉腸重有烤雞！ribs既汁辣辣地食落幾惹味，肉質唔鞋幾易咬；豬手肉質軟腍唔會過鹹；豬肉腸好濃香草味👍🏻；烤雞相對失色啲，肉質偏鞋，但味道唔錯。
牛魔王係我後期先發現，因為我miss左睇唔到，個陣都飽飽地，只試左牛仔骨，都幾腍但就好多脂脂。
洋蔥圈脆但蝦春卷唔夠脆，雞翼釀左啲辣既飯好香辣惹味。
豉椒炒蜆煮完唔會縮晒水，無沙幾鮮甜。
泰式魚餅好濃香茅👍🏻正！黑松露磨菇忌廉湯都幾濃磨菇味👍🏻估唔到有田螺食，不過只試左薯蓉，好滑好綿！
海鮮龍蝦汁扁意粉有青口、蝦、蜆、魷魚，食落同海鮮盛宴差不多，扁意粉唔會煮到太腍，有返啲硬度，啱晒我。因為一向唔食菠蘿，所以無食個炒飯，但望落都幾靚。
食飽鹹食，就開動第二個胃食甜品🤪椰青糕幾清甜，如果椰肉多啲就更正！Lemon cheesecake 同tiramisu不過不失，我見佢啲甜品係訂返黎唔係自己整，因為見到一盒盒蛋糕盒放係餅櫃。
最驚喜有芋圓地瓜圓任你自己調配，都幾煙韌但略嫌唔夠重芋頭同地瓜味。
最後沖返杯peach tea飲消下滯。
二百幾蚊食到咁多野真係抵食！
Post
