品味冰室

Open Now

Now Closed

今日返工早咗出門口，吾想咁早返公司，決定去搵間餐廳嘆返個靚早餐先。見到有間新開啲餐廳，可能吾係新開（我好少食早餐😂 所以平時無留意啲餐廳）就行入去食早餐。見餐廳好大好多位，客人都吾少，應該幾好食掛。港式早餐都係果啲，但都唔係間間煮得好食，睇吓呢間好吾好食先。我叫咗一個常餐，王牌吉列豬扒配火腿奄列及蒜蓉多士，份量嚟講，算好大份，個奄列都有半隻碟咁大，吾會炒到乾晒，有蛋汁，吾錯吾錯👍🏻吉列豬扒都係大大塊，我覺得佢真係炸得吾錯，表面金黃色，內裏有肉汁。一般茶記大家都應該食過果塊硬到好似牛肉乾咁嘅豬扒，呢間真係好味。配合莎律醬，有一啲甜味，入口減去了油膩的感覺👍🏻想講埋塊蒜蓉多士，估佢吾到，塊麵包吾會硬過床板，軟軟的感覺，加上好香嘅蒜蓉醬，嘩，真係好好味。今日雖然早咗出門口，但竟然比我發現咗咁好味嘅早餐，下次早咗出門口，我一定要再去食下其他早餐。