品味冰室

Open Now

Now Closed

工廠區唔好要求咁多啦，平得黎不過不失ok啦，係d 阿姐hea d 囉，不過快餐永遠都有個跟湯，佢d 湯都唔差，今次個🐷胡椒豬肚湯飯食完真係幾暖🥰🥰，一到lunch hour 永遠都係滿坐

#品味冰室#葵涌夠哂多選擇 每月有新餐牌今日揀左魚香茄子斑腩飯 $52變相味道一流 都可惜魚香去左班腩到如果有肉碎或者咸魚就夠哂正宗但成為飯堂之一🙌🏻#茶記#香港#chachaanteng #茄子班腩#foodporn#foodphotography #instafood#instagram #instafaily#hkig#hkfood#hkfoodie#18區搵食

Lunchtime 堂食$50，送湯加嘢飲。睇份量其實都幾抵嘅，算係喺雞髀位，菜嘅份量都多，菜其實炒得幾香。不過呢個係叫做口水雞飯，味道就不太口水雞，似普通白切雞加辣。例湯都幾足料。口水雞就不再試了，不過會試吓蔥油雞

今日返工早咗出門口，吾想咁早返公司，決定去搵間餐廳嘆返個靚早餐先。見到有間新開啲餐廳，可能吾係新開（我好少食早餐😂 所以平時無留意啲餐廳）就行入去食早餐。見餐廳好大好多位，客人都吾少，應該幾好食掛。港式早餐都係果啲，但都唔係間間煮得好食，睇吓呢間好吾好食先。我叫咗一個常餐，王牌吉列豬扒配火腿奄列及蒜蓉多士，份量嚟講，算好大份，個奄列都有半隻碟咁大，吾會炒到乾晒，有蛋汁，吾錯吾錯👍🏻吉列豬扒都係大大塊，我覺得佢真係炸得吾錯，表面金黃色，內裏有肉汁。一般茶記大家都應該食過果塊硬到好似牛肉乾咁嘅豬扒，呢間真係好味。配合莎律醬，有一啲甜味，入口減去了油膩的感覺👍🏻想講埋塊蒜蓉多士，估佢吾到，塊麵包吾會硬過床板，軟軟的感覺，加上好香嘅蒜蓉醬，嘩，真係好好味。今日雖然早咗出門口，但竟然比我發現咗咁好味嘅早餐，下次早咗出門口，我一定要再去食下其他早餐。

日日食Lunch都係炒粉麵飯，都想有啲變化。今日發現呢間茶餐廳，竟然有老火燉湯飲，真係要試吓。都市人日日都忙返工，放工忙家務，想飲啖湯水，真係難過登天，想飲一啖老火燉湯，更加難上加難。今日食午飯，見到呢間餐廳有湯飲，就衝入去諗吓。佢哋個餐係跟飯，飯就無咩好介紹，重點我想講吓個湯，花𣄃參椰子鮮雞燉湯。一上菜，個湯熱辣辣，店員介紹係日日朝早開始燉，午市開始賣，而且好快賣晒。我飲咗一啖，就明白晒，個燉湯好好味，入邊好足料，一入口就知道無加味精，唔會飲完好口渴。燉湯味道濃郁之外，湯料都可以食埋，湯料用來餸飯一流。飲完個湯，食埋碟飯，飽到上心口。咁好味嘅湯，都係賣六十幾蚊跟飯同飲品，我得一個字可以講，抵食😂店員重同我講，佢哋個燉湯會成日轉，叫我多啲幫襯。講真，呢個價錢，飲到真材實料嘅燉湯，佢唔講，我都會得閒過去食Lunch，鬼叫屋企無時間煲湯咩。大家如果都想飲到真材實料嘅燉湯，都可以去試吓，應該唔會失望。

最近Lunch Time 同同事去過呢間茶餐廳，都幾抵食，重點係價錢唔算貴。呢間茶記好多炒嘢食，睇個餐牌就知，炒飯類別選擇好多，而且佢哋每星期都會轉一次午餐menu，所以日日去食Lunch都無問題。我選擇了午餐魚香茄子飯，上菜熱辣辣，原來佢哋係即叫即炒嫁，唔怪得咁新鮮咁好味。已前曾經食過一啲餐廳，煮好晒，你落單就整返熱比你，真係完全兩回事。茄子由於係即煮，所以軟硬度剛剛好，唔會爛到夾唔到。配合埋個醬汁，少少辣，味道又唔會太濃，撈埋啲飯一齊食，一啖飯，一啖茄子，好好味呀。大家如果食Lunch，想食到咁好味嘅茶記，可以去呢間品味到試下，應該會食過返尋味。

今日約了朋友食Lunch，由於佢Lunch時間得1 小時，所以我就去了朋友公司附近餐廳等他。呢間餐廳坐位寬闊，門面光鮮，就決定入去食住等朋友啦。我見餐廳食物價錢都唔太貴，選擇又多，我最後決定叫午餐，蜜椒薯仔牛柳粒小菜客飯。原來佢係一碟餸，好似叫小菜咁，大大碟，賣相相當不錯，色香味俱全。一個人食，份量一定足夠。薯仔有咬口，唔會爛晒，甜甜哋，餸飯一流。牛柳粒炒得好有鑊氣，好入味，配上蜜汁，估唔到咁好味。白飯一大碗，小菜一大碟，味道又唔錯，加埋飲品都係六十幾蚊，講真，個小菜咁嘅質素，我覺得好抵食，所以我都叫朋友一齊叫呢個餐。朋友都大讚好食，話下次佢自己放Lunch 都會落去食。

每日都出街食Lunch，想食啲高質嘅嘢，真係好難搵。今日去咗食呢間新開茶餐廳品味，真心覺得好食，好有家的感覺，高質及價錢適中。我叫了肉碎蒸蛋，一上菜就有驚喜，有好多肉碎，而且賣相好吸引，好Juicy的感覺。跟餐配白飯，我將一啖肉碎蒸蛋連白飯一齊食，嘩，好味呀，佢哋真係即叫即蒸，肉碎入味又唔會蒸到過火。啲蛋又好滑，連埋啲汁一齊餸飯，真係一碗飯都唔夠食。佢蒸蛋個份量都算多，我叫多一碗白飯食，好耐無食過咁高質素的肉碎蒸蛋，都好耐無試過食兩碗飯😂如果大家Lunch 都想食到咁好味嘅午餐，可以去呢一間到試吓，真係會食過返尋味👍🏻