阿德廚坊 (Closed)

星期六好多人, 下午茶時段黎到呢間茶餐廳嘆個港式下午茶。成三點間餐廳都仲係好爆場, 不過好彩多位, 所以唔洗等就有位了。因為都幾肚餓所以每人叫左一碟飯, 一碟咖哩牛腩飯, 一碟楊州炒飯, 兩杯凍檸檬茶。咖哩牛腩飯夠多汁, 少少辣, 又唔會好多椰汁太甜, 送飯一流。薯仔炸得香口, 又入味, 可惜得一舊, 如果多兩三舊就好了。牛腩炆得好腍, 同樣入味, 仲有少少牛筋, 好足料! 楊州炒飯大大碟, 一點都唔馬虎, 超多料, 有蛋、火腿、叉燒等等, 每啖飯都有料, 好抵食。凍檸檬茶一樣係夠茶味, 檸檬夠多, 甜左少少, 下次會叫少甜。呢度下午茶$32, 凍飲加$2, 星期六日加一服務費, 如果平日黎食, 真係抵到爛。