冰室小菜館 (北帝街)

Open Now

Now Closed

夜晚唔想煮飯，於是就係附近茶記食飯。記得呢到啲蒸魚飯唔錯，所以就嚟呢到食。呢到選擇好多，不過都係一般茶記嘅食物，亦有少量嘅海鮮食。我地一行4人叫左2條蒸魚（黃花同盲槽），一碟蟲草花雲耳蒸雞，一碟沙薑雞食。最好嘅係佢可以另外加45蚊叫左半斤蝦。由於最近啲蝦都唔平，所以見價錢唔貴都叫左嚟食。蒸魚好滑又大條，食得出係新鮮魚。重點係價錢好平，63蚊，呢個價錢包一碗飯同野食，真係無投訴。係蟲草花雲耳蒸雞貴啲，80蚊。如果要飯同野飲（套餐）要加10蚊，不過夜晚唔食咁多飯都唔洗加。碟蒸雞雖然貴啲，但份量都好夠，估計有半隻。最後埋單3百幾，每人82蚊到都過得去啦。。。