Video
Read full review
2024-09-27
163 views
Beancurd rolls 花膠鮮竹卷 $36鮮竹卷嘅味道唔會太鹹，充滿豆香嘅腐竹裏面包住紫色嘅蝦肉🍤同埋菜，外面仲有一小片美顏花膠，都唔錯啊Steamed custard bun 黑金流沙包 🍳🥯$35黑金嘅包望落去已經非常吸睛，適合打卡影相📸，邪惡嘅流沙奶黃餡🥚，味道濃郁又唔會太甜，係款相當飽肚嘅點心Homemade steamed vermicelli rolls 春風得意腸 🌯 $36好受歡迎嘅春風得意腸一碟有六件，腸粉嘅外皮包住酥脆嘅熱辣辣炸絲🔥、醃過嘅椰菜花、粟米粒🌽、蝦仁，點埋甜甜地嘅豉油，簡簡單單已經好正Vegetables dumplings in XO sauce XO醬菜苗餃 🥟🥬 $29 脹卜卜嘅菜苗餃一式三件，裏面主要有鮮嫩嘅菜苗、爽口又冇乜雪藏味嘅大蝦🦐，配上外面剔透嘅彈牙菜苗餃皮，好味又抵食😋Boiled choy sum 白灼靚菜心 $25夠晒健康養生嘅白灼靚菜心鮮嫩清甜，而且性價比高，係一款高纖嘅小食Mango pudding 香芒凍布甸 🥭🍮 $24充滿正宗港式風味嘅香芒凍布甸係款唔錯嘅甜品，面頭加上濃郁嘅滑捋捋花奶🥛，裏面嘅芒果布甸充滿新鮮芒果
鮮竹卷嘅味道唔會太鹹，充滿豆香嘅腐竹裏面包住紫色嘅蝦肉🍤同埋菜，外面仲有一小片美顏花膠，都唔錯啊
Steamed custard bun 黑金流沙包 🍳🥯$35
黑金嘅包望落去已經非常吸睛，適合打卡影相📸，邪惡嘅流沙奶黃餡🥚，味道濃郁又唔會太甜，係款相當飽肚嘅點心
Homemade steamed vermicelli rolls 春風得意腸 🌯 $36
好受歡迎嘅春風得意腸一碟有六件，腸粉嘅外皮包住酥脆嘅熱辣辣炸絲🔥、醃過嘅椰菜花、粟米粒🌽、蝦仁，點埋甜甜地嘅豉油，簡簡單單已經好正
Vegetables dumplings in XO sauce
XO醬菜苗餃 🥟🥬 $29
脹卜卜嘅菜苗餃一式三件，裏面主要有鮮嫩嘅菜苗、爽口又冇乜雪藏味嘅大蝦🦐，配上外面剔透嘅彈牙菜苗餃皮，好味又抵食😋
Boiled choy sum 白灼靚菜心 $25
夠晒健康養生嘅白灼靚菜心鮮嫩清甜，而且性價比高，係一款高纖嘅小食
Mango pudding 香芒凍布甸 🥭🍮 $24
充滿正宗港式風味嘅香芒凍布甸係款唔錯嘅甜品，面頭加上濃郁嘅滑捋捋花奶🥛，裏面嘅芒果布甸充滿新鮮芒果肉🌴，味道酸酸甜甜夠晒開胃
Worldwide siumai platter 世一燒賣拼盤 $138
世一燒賣拼盤有超級多唔同口味嘅燒賣，好似有紫色嘅吸睛梅菜扣肉燒賣💜、鵪鶉蛋燒賣、濃郁嘅牛肉燒賣🥩、酸酸甜甜嘅蕃茄海鮮燒賣🍅、花椒辣燒賣🌶️、特色嘅龍蝦汁墨魚燒賣🦞、矜貴嘅鮑魚燒賣等，絕對係一款創新體驗，而且款款都有驚喜😍
Post
