泰味泰國餐廳

Open Now

Now Closed

聽講附近開咗一間新嘅泰國餐廳，自從有咗🍗後我地好少出街食飯，今次就俾比我休息吓，帶定即食粥俾🍗，出去食餐豐富嘅晚餐啦我地點咗：二人套餐包括一份沙律+烏頭魚+青或黃咖哩&白飯兩碗，串燒拼盤，船麵。🥗柚子蝦沙律🥗 柚子連蝦一齊食，更新鮮，蝦仲好彈牙。🍜船麵🍜好足料& 雞肉大大舊，豬皮新鮮炸起，香口又脆，而個湯底聞落好香，食落唔咸，啱晒好肚餓嘅我哋。🐓青咖喱雞🥘黃咖喱食得多，青咖喱都係第一次食，正宗青咖哩係用青辣椒加椰奶，相比起平時食嘅黃咖喱，味道清新，帶少少辣，加埋白飯食絕配。⚠️如果鍾意食咖喱但怕辣，試吓青咖喱啦，別有一番風味👍🏻🐟明爐烏頭魚🐟烏頭魚肉質嫩滑，啖啖魚肉鮮味，唔腥，加埋檸檬香茅，又係好開胃🤤🍡串燒拼盤🍢豬牛雞各2串，好惹味，燒得啱啱好，唔太韌又唔太腍，好味😋總結：好欣賞呢度員工既工作態度，健談，笑容親切😊正宗泰國人，佢地見我推住bb車，亦都好主動幫我地揀個啱坐嘅位置俾我哋，雖然逗留喺度唔係好耐，見到餐廳既人流好多，好多時候爆滿，如果大家想嚟呢間餐廳記得book位，或者早啲去到唔使等，因為嗰度座位有限啊，記得啦食咁多嘢埋單唔洗5百蚊，認真抵食