越一越南牛肉粉專門店 (Closed)

上星期陪朋友去黃大仙拜神，拜完順便喺附近食午餐。朋友話前排喺越一食過，lunch 幾抵食又好味，帶我嚟試下！睇完餐牌，佢地個午市套餐又真係幾平，平均50幾蚊有主食加杯飲品，另外仲可以跟餐點個小食。主食可以揀湯河/ 湯檬、飯、撈檬及法包，都幾多選擇！今次我就揀咗「頭頓三寶撈檬 」入面有齊豬扒、雞翼同埋扎肉。碗撈檬份量都足料，雞翼都有3大隻，豬扒又係大大件斬件，仲有2塊扎肉。自己加入撈檬汁，我習慣加多啲會濃味啲，咁就啖啖檬粉都酸酸味味，好開心，我勁鍾意食！小食我叫咗「紅河炸蝦餅」都幾大件，炸得好香口，咬落好彈牙，好滿足！ 點埋甜酸醬食，味道更加好！飲品叫咗越式滴漏咖啡，齋啡，咖啡味好香濃，飲落都幾順滑，建議一試！另外都要讚下呢到嘅姐姐，落單幾有禮貌。問佢地拎咗幾次野都笑笑口，服務唔錯。