越一越南牛肉粉專門店

Open Now

Now Closed

呢間越南野第二次幫襯，之前食過已經覺得佢cp值高！埋單二百二人餐，仲食到好飽飽！今晚特登同fd再食，叫左個牛油雞翼二人餐$198! 有四隻雞翼，大大隻，上枱已聞到香濃牛油味，熱辣辣，外皮十分香脆！入面啲雞肉都包到牛油味，好正！個餐仲有生菜，清清地，解熱氣！小食我地要左豬頸肉米紙卷，味道剛好，米卷岩岩中和左濃味既豬頸肉，一啲都唔覺油膩！主菜梗係要叫生牛肉湯粉，湯底濃郁，唔會太重味精，牛肉薄身易入口，份量十足。雞絲扎肉都係，岩哂清淡既我，唔會太油膩！跟餐仲送兩杯大大杯野飲，叫左薏米水同咸檬七。啲薏米佔左三分一，好豪爽，平時個啲係無哂薏米，中意呢間夠足料。咸檬七又夠哂解渴！正丫