Fûhn (The L. Square) (Closed)

最近食咗間越南菜，位置喺銅鑼灣中心地帶的商廈中，地鐵站行2分鐘就到，非常方便。初頭諗住銅鑼灣食嘢一定唔平，點知呢間越南菜d價錢幾平，幾抵食!主食叫左個生熟牛肉牛丸湯金邊粉，佢哋嘅湯粉有3個size(regular, 大, 特大）適合多人share, 我地叫左regular, 點知拎到黎regular size都非常大，啱晒大胃王，最出色係個湯底，清甜有牛肉味。另一個主食係香茅豬頸肉撈檬，d豬頸肉炸到脆身好香囗，撈檬d沙律菜好新鮮。小食叫左越式牛油雞翼，即叫即炸熱辣辣，牛油味好香。另一個小食越式扎肉串幾得意，係用d攪碎咗嘅扎肉整成香腸形狀，再用條香茅篤住嚟燒，d香茅味滲埋入去個扎肉串，幾特別值得試吓。飲品方面有多款特飲、椰青、沙冰等選擇，下次都會再嚟食，因為d食物份量足又唔貴，都幾啱多啲朋友一齊嚟食飯。