Fûhn (The L. Square) (Closed)

越南菜食得多，Fuhn都算係其中既表表者，一到用饍時間就會大排長龍。我最鍾意食撈檬，貪其酸酸甜甜夠晒開胃，夏天食就最岩。是日叫左炸豬扒撈檬，豬扒香口又唔油膩，而且份量夠多，一個人都食唔晒。加左好多沙律菜做配菜，口感清爽又健康，而檬粉質地十分爽滑。朋友叫左一個雞絲撈檬，望落個樣都唔錯，雞絲似係人手撕開，比起用刀切更有口感。我地仲叫左一個軟殻蟹米紙卷，軟殻蟹炸到好脆口，用夾滑既檬粉好夾，另外加左大量生菜去包，健康得黎，層次亦十分豐富。