北角四眼妹美食屋 (Closed)

幾個月冇嚟北角，今日經過呢度見到開咗間小食店諗住事但食d醫下肚舖頭細細但好多人排隊嚟食門面有個螢幕一路sell個爆晒餡嘅格仔餅就叫咗個抹茶味格仔餅＋金莎醬榛子等咗大約10來分鐘，格仔餅終於新鮮熱辣送上手～淨係聞落都覺好香，一打開個位，d餡料真係好多好爆丫食落外脆內軟，蛋香十足帶有淡淡綠茶味，朱古力榛子嘅味道尤其突出，基本上係搽滿咗成塊餅唔趕時間嘅建議企係到食～以免食到成手都係好彩店內都有紙巾提供～另外仲要咗個皇牌組合，有咖哩魚蛋，豬皮同蘿蔔魚蛋彈牙，咖哩味突出豬皮同蘿蔔都煮得岩岩好，爽口入味本身想試豆漿不過已賣晒，轉咗包維他奶北角四眼妹美食屋整體評分★★★★地理環境★★★★服務★★★★食物★★★★價錢＄