金牌小龍 (Closed)

呢排食厭左西餐，想轉下口味食下中菜。見到呢間金牌小龍既菜色幾似鼎泰豐，又平啲，就試下！一向都鍾意食萵筍既我，見到有萵筍絲梗係要叫！呢度並唔係炒既煮法，而係用涼伴方式，用左白醋調味，酸mei mei作為前菜非常適合！萵筍絲爽脆👍🏻好味～平日我媽炒既苦瓜都苦到喊😭無甘味，完全唔想食！通常出街食都唔差，所以叫左黎試下。果然無叫錯，食到甘味，唔會只係得個苦字。掛滿豉汁，好啱撈飯！瑤柱蛋菜粒炒飯一向係我至愛既炒飯，每次見到都係必點。瑤柱好香，加埋爽脆既菜心莖一齊食，清清地好健康。炒得好乾身，唔會油淋淋。鮮蝦餛飩麵又係清清地，湯唔會好濃，本身鮮蝦餛飩都偏重口味，麵質好滑，份量都幾多，餛飩有五大粒。當然要叫小籠包啦！揀左金牌小籠包，皮有啲厚，特別係個頂，入面湯汁大約有半個小籠包既高度，食落唔算好大驚喜，不過不失。糯肉燒賣入面包住糯米、冬菇同肉粒，糯米包著醬油，調味啱啱好。食完糯肉燒賣唔夠喉，重想食糯米飯既野🤤見到有好少會食到全隻醬油既鹹肉粽，所以叫左隻。入面有兩粒鹹蛋黃，少少半肥瘦豬肉，食落幾香，唔錯！最後重有菜肉包，每次fiancé見到都必點，話小時候佢係上海成日食，回味一下！佢話都有8成似佢細個