漁品酸菜魚火鍋放題 (Closed)

今日去咗大圍食酸菜魚「漁品酸菜魚火鍋放題 」，去到7:30都已經好多人！坐低之後店員細心介紹餐牌上食物上菜的順序！出面的飲品，雪糕都是變咗無限任拎！ 先上了肥仔4小吃，最好食係黑松露蝦多士，脆卜卜黑松露的香味亦都好惹味！第二上的是航空刺身，有齊晒帶子，蝦，三文魚，海膽等，全部都係新鮮好食！但呢個時間我不可以再加！第三個上的是酸菜魚，仲有其他可以選擇，如果未夠都可以再追加例如水煮魚！酸菜魚 酸酸的好開胃又唔會太油，仲有好多魚片！足料！跟住我哋揀咗胡椒豬肚湯底，店員仲介紹埋可以飲湯！跟住快手上埋牛肉豬肉片，牛肉豬肉質素好高，唔會因為任食減低質素！牛肉鮮味十足，肉質嫩滑！再加了一碟！除咗肉類之外仲有上咗深海郵輪，係鮑魚大蝦等海鮮，回本之選！新鮮的海鮮鮮味十足，蝦肉肉質彈牙！最後食多杯雪糕就心滿意足！