漁品酸菜魚火鍋放題 (Closed)

呢個二人餐超豐富，先有一份［黃金炸魚皮］小食，脆卜卜，陣陣咸蛋黃香又香口。烤魚好大盤！雖然有勁多配菜食材，但都遮唔晒大大條嘅烤沙巴龍躉🐟！馬來西亞嘅沙巴龍躉，開邊輕烤，金黃色好吸引，龍躉肉質偏厚嫩滑，彈牙，而且鮮甜。配埋我揀嘅酸菜味湯底，胃口大開！酸菜湯底配料非常多元化，芽菜、酸菜、薯仔、洋蔥、蜂巢豆腐、苟筍、蓮藕、辣椒仔、芫茜等等。套餐包埋響鈴、芋頭、烏冬、雜菜/雜菌，二個人都食唔晒😋，有肉有菜有澱粉質，唔會唔健康！酸菜味湯底都有少少辣，少少麻，但唔會食到出晒汗咁誇張。嗌埋梳打特飲🍹，邊食邊飲最 perfect 。