Video
Read full review
5 day(s) ago
0 views
［📍黃竹坑｜Table］THE SOUTHSIDE開張左咁耐都未行過🤣今日放左工 決定過去行下街 睇下有咩好行好食商場黎講 呢到都幾多餐廳選擇 好多唔同款式😋今次同朋友就揀左呢間Table 試下咩質素餐廳位置要行到商場户外先揾到餐廳既入口😊🥩鐵板扒餐 - 免翁牛柳（另配 凍熱情果烏龍茶）呢到好多唔同套餐選擇 今次揀左好幾款試呢到既鐵扒餐份量好大份 一定唔會唔多喉🤣牛柳份量有二塊 二塊都好厚身 肉質唔會韌今次揀左黑椒汁配埋蒜蓉 同牛柳一齊食 夠哂重口味😋另外 凍熱情果烏龍茶 嗌左小甜 甜度岩岩好 唔會太甜烏龍茶配上熱情果 酸酸甜甜 好醒胃解油膩😛🦐東南亞粉麵套餐 - 泰式冬陰公蝦球炒讚岐烏冬（另配 凍粉紅西柚烏龍茶）另外嗌左個東南亞粉麵套餐 呢個餐好抵食 包左好多野🤩除左個主食 仲會配多個養生燉湯 同埋 一個小食養生燉湯係估佢唔到咁好飲 落左桂圓肉 所以好清甜😋小食就揀左沙薑豬手 豬手好大舊 味道辣辣地 好惹味主食就揀左泰式冬陰公蝦球炒讚歧烏冬 鑊氣好夠😋蝦球份量有五六舊 大大粒 每一舊都好爽口厚肉烏冬唔會炒到淋哂咁 保留到讚岐烏冬既煙靭口感另外嗌左個 凍粉紅西柚烏龍茶 小甜程度😛同時又
THE SOUTHSIDE開張左咁耐都未行過🤣
今日放左工 決定過去行下街 睇下有咩好行好食
商場黎講 呢到都幾多餐廳選擇 好多唔同款式😋
今次同朋友就揀左呢間Table 試下咩質素
餐廳位置要行到商場户外先揾到餐廳既入口😊
🥩鐵板扒餐 - 免翁牛柳（另配 凍熱情果烏龍茶）
呢到好多唔同套餐選擇 今次揀左好幾款試
呢到既鐵扒餐份量好大份 一定唔會唔多喉🤣
牛柳份量有二塊 二塊都好厚身 肉質唔會韌
今次揀左黑椒汁配埋蒜蓉 同牛柳一齊食 夠哂重口味😋
另外 凍熱情果烏龍茶 嗌左小甜 甜度岩岩好 唔會太甜
烏龍茶配上熱情果 酸酸甜甜 好醒胃解油膩😛
🦐東南亞粉麵套餐 - 泰式冬陰公蝦球炒讚岐烏冬（另配 凍粉紅西柚烏龍茶）
另外嗌左個東南亞粉麵套餐 呢個餐好抵食 包左好多野🤩
除左個主食 仲會配多個養生燉湯 同埋 一個小食
養生燉湯係估佢唔到咁好飲 落左桂圓肉 所以好清甜😋
小食就揀左沙薑豬手 豬手好大舊 味道辣辣地 好惹味
主食就揀左泰式冬陰公蝦球炒讚歧烏冬 鑊氣好夠😋
蝦球份量有五六舊 大大粒 每一舊都好爽口厚肉
烏冬唔會炒到淋哂咁 保留到讚岐烏冬既煙靭口感
另外嗌左個 凍粉紅西柚烏龍茶 小甜程度😛
同時又保留到茶味既清新 小甜人士都非常岩飲🤣
🐥鐵板扒餐 - 香草雞扒拼吉列蝦（另配 熱檸茶）
最後嗌多一個鐵板餐 份量一樣完全冇令我地失望😋
兩大塊雞扒 雞扒肉身都幾厚 雞扒本身煎到微脆微脆
今次呢個餐 揀左配蘑菇汁 係你面前倒汁 夠哂熱辣辣
雞扒夠厚肉 入口啖啖肉 一啲都唔鞋 仲有一定既肉汁😛
如果唔係好食得辣 揀呢個蘑菇汁就最適合不過
呢到無論係扒餐 定 炒粉麵 都好抵食 食物質素仲好高質☺️
🥩鐵板扒餐 - 免翁牛柳 $148
🦐東南亞粉麵套餐 - 泰式冬陰公蝦球炒讚歧烏冬 $98
🐥鐵板扒餐 - 香草雞扒拼吉列蝦 $99
🍹凍熱情果烏龍茶 （套餐優惠 半價加配） $15
🍊凍粉紅西柚烏龍茶 （套餐優惠 半價加配） $15
🍋熱檸茶（套餐優惠 半價加配） $10
📍Table
黃竹坑香葉道11號THE SOUTHSIDE LG樓LG03號舖
Post
