東煲西炒 (Closed)

今日同同事食飯，有人提議食雞煲，有人提議打邊爐，最後我哋決定去東煲西炒，一次過滿足晒兩個願望。由於係大班人食飯，有人食多、有人食少，夾錢好難分得平均，所以選擇任食係最公平又輕鬆嘅方法。東煲西炒雞煲做得靚。而且價錢真係平到唔信，168元雞煲連配料任食，嘢飲同啤酒又係放題，係觀塘嘅朋友，千祈咪錯過！一入到黎，已經滿晒座，好彩有定位，否則都食唔到！進入冬季，東煲西炒都推出一啲合乎時令嘅雞煲。雖然貴少少，＄198 ,但係用料完全唔一樣，所以我哋都叫咗兩個198元升級版！黑草羊雞煲 HK 198黑草羊本身已經係貴價貨，你睇吓佢肥瘦分明，真係好好食，但有少少羊肉嘅肉香，一點都唔腥，最感動係羊肉非常柔軟，連皮一齊食，好滋味！有兩款啤酒係任飲嘅，所以食雞煲飲啤酒，唔需要就住就住，想飲就放膽飲吧！花膠扒奇味雞煲 HK 198小小辣嘅雞煲，本身已經非常入味，加上大大嚿嘅花膠，滋味又養顏，真係冇叫錯！呢個價錢超值！要回本，當然唔好放歌佢哋幾開先，開先唔係一般放題嘅貨式，大蝦同扇貝都非常新鮮，值得一讚！隻蝦大個我嘅手板，咁重本，真係超值！肉、丸類同蔬菜都係必食之一，任叫食！連點心都有，真係咩口味都俾佢照顧晒，