成都小巷米線雞煲 (和富道) (Closed)

經過北角和富道見到這間成都小巷米線雞煲非常非常抵食，確實係被價錢吸引入去食！平至$138 1.5hours, 就算想食得舒服d唔咁趕2.5小時都係$178,加埋一$200唔使，仲要任飲飲食，啤酒汽水任飲！簡直係平民福音！任食有雞煲或烤魚，我就要了小辣雞煲，味道唔會太辣但味夠濃郁入味，大量香葱，蒜，香料都好夠味，雞件吸味而且唔乾身，成件事好正夠juicy.食完後就可以放湯變火鍋，自助形式更加貼地更親民，好有街坊街里感覺！火鍋配料這個價錢來講已經超額完成，而且夠乾淨衛生！滑牛入口夠軟嫩好正，牛丸都好多肉汁夠彈牙。有大量蔬菜都新鮮。最後食埋公仔麵做結尾，非常滿足！整體超抵食，質數亦唔錯，午市就做粉麵，晚市火鍋為主！