澳門街雞煲火鍋 (Closed)

今日我同好友就近近地係返荃灣搵食，由於我地好多野傾，所以我地決定去d 唔會覺得我地講野嘈的地方🤣，盡情吹水，去邊咪就係三陂坊近開冇耐的 “澳門街雞煲火鍋”。⚛ 涼拌皮蛋 ～ 我地兩人口味相似，一見到餐牌有即 order ，皮蛋辣味濃郁食落似中辣， 加了一點點醋，美味極了。⚛ 脆皮炸大腸 ～ 極邪惡的野，緊係要找好友陪食啦！炸到外皮超脆入面帶一點點肥膏一絕。最最最想驚喜係旁邊的蓮藕，麻麻辣辣超過癮。⚛ XO醬西蘭花炒蝦球 ～ 加了XO醬去炒西蘭花幾好， 蝦球亦見爽口。⚛ 雞煲少辣 ～ 呢到最出名雞煲點可以錯過呢！超欣賞入面有大量芫荽，雞件事先炆好，送來加熱食得超方便， 呢到可以選任飲任食， 或者好似我地咁叫一煲唔打邊爐，再叫d小菜都係幾好的選擇。我見到呢火煱配料都幾齊全，飲品種類繁多，但我地太熱唔想再打邊爐，所以叫小菜食下，鍾意飲啤酒的，下次可以選擇呢到，任飲任食價錢合理。