澳門街雞煲火鍋 (Closed)

上年年尾，寫過食評，不過比Openrice 話未能刋登，唯有再打一篇，因為好味，真係好味，所以堅持，食嘅係雞煲，包一堆火鍋配料，及醬料，味道偏辣，服務好，疫情後會再encore! 口味人人不同，只可以話呢間合我以上並不是宣傳廣告

我同朋友好鍾意左去三坡坊食嘢，不過星期日lunch time竟然無咩開，我地去左澳門街雞煲火鍋，店主推介我地食蟹粥同乳鴿配豉油王炒米粉都只係$188!首先係乳鴿，新鮮炸得好靚，顏色剛好，無炸過燶，個皮好脆，非常厚肉，肉質唔會實的的而且好入味，旁邊配有麻辣味菜舖，乳鴿肉沾有麻辣油，十分滋味！另外蟹粥真係好和味,個粥底好夠味之餘仲好有蟹嘅鮮味之餘，仲有好多蟹膏，幾乎每啖都有，當然蟹蓋蟹身都有，蟹肉多而厚。豉油王炒米粉每條都炒得好分明之餘,仲好有鑊氣，最重要係唔油,食完夠曬飽！佢地仲有打邊爐任食任飲，120分鐘都係$108一位咋！仲可以以$148選擇藥膳醉雞煲/藥膳川芎白芷魚頭鍋加打邊爐，都係$148一位,咁抵,都好少地方有吖！

雞煲（分量非常足，一個字正）川芎魚頭湯（足料滋補）皇牌雞湯（鮮味可口）超正😋連揚州炒飯都好好食！老板娘亦非常有禮健談！！繼續支持高水準色香味俱全的小店一定再幫襯！！

荃灣站📍澳門街雞煲火鍋-去楊屋道街市附近辦完年貨身水身汗，多人到爆，見到咁多麻甩佬都食呢間鋪頭，又試下麻甩佬們嘅口味🍺孖寶套餐（$90+$45）今次試咗煲仔雞粥同埋藥膳魚頭湯，另外再加$45有隻中鴿🔥雞粥好多雞件（都有7-9件），陣陣雞油香，粥夠綿滑，雞件好夠味，雞皮都好爽😋藥膳魚頭湯好有驚喜，藥材味濃就不在話下，仲有陣陣嘅甘甜味。見到個魚頭湯都幾足料，由白芷、川芎、黨參、當歸、紅棗、杞子熬製而成，飲完都暖笠笠🔥重點係好鬼大碗，兩個人根本飲唔晒😹另外加左$45要埋燒中鴿，比乳鴿更加多肉，一上枱已經聞到陣陣嘅鴿香，皮脆肉嫩🦆旁邊仲附送左香辣菜脯，惹味！（係女朋友食魚頭個陣我食左三件中鴿🤣正！）食呢一啲風味小吃就梗係啤一啤，食住中鴿，嘆住藍妹都不知幾爽🍻環境黎講，呢一間小店比我想像中乾淨，餐具唔使洗都放心食用，仲以為好多麻甩佬去嘅舖頭都有返咁上下麻甩程度😹兩個人食先百零蚊埋單，性價比高，份量夠多，其貌不揚👍🏻

呢間係荃灣嘅小店出品質素🤩超水準而且CP值💰十分高！特別係我哋呢次🤤食嘅孖寶套餐B：🍲煲仔🦀蟹粥拼🌿藥膳🐓雞湯米線🍜只係$145，真係好味😋又抵食！🍲煲仔🦀蟹粥上枱嘅時候仲滾緊🤩，十分之香🤤。入面有成大隻水蟹🦀，所以成煲粥勁🥰鮮甜。啲粥🥣好綿滑，隻水蟹🦀都幾多膏🤤，撈勻啲粥一齊食勁甘香好味😋！藥膳🐓雞湯配米線🍜份量十足🤩，一上枱就散發出濃烈嘅藥材香味🤤。佢入面有好多藥材🥰，勁足料👍，係我食過數一數二濃藥材味嘅藥膳🐓雞湯🤤。個湯質感十分之☺️濃郁，仲有少少🤏黏口，🐔雞肉嫩滑米線🍜Q彈，水準之作😋！餐廳🥢推介我哋加隻乳鴿🐦，又幾有驚喜🤩。乳鴿🐦好香，個皮勁😍鬆化，味道咸香十足🤤。肉質好鮮嫩多汁🤤，質素好過好多大酒樓嘅出品，絕對值得一試😋，佢仲跟咗少少🤏香辣醃菜脯做伴菜，配粥食啱晒👍

今日幫媽咪去圓玄學院還神，之後再係荃灣食飯，天陰陰頭又痛，去左三陂坊食蟹粥，暖暖身平時蟹粥大大煲，要人多先可以食，呢個餐二人前，有蟹粥，乳鴿同炒麵，二人食夠晒飽又豐富蟹粥好鮮，粥底好綿，有蟹羔又有蟹肉，好香好鮮甜，每人有2碗，仲有啖啖蟹點肉乳鴿配辣菜甫，特別好味，乳鴿一開四，吾太油，又吾會太咸，送粥一流，炒麵熱辣辣，多菜，麵都好爽彈，吾會痴住一舊舊，炒得好夠火候食完之後個人精神返晒，之後再去行街街

澳門街雞煲火鍋 (荃灣) 📍荃灣三陂坊20-26號遠東第一大樓地下C號舖冬天到來，再一次黎到荃灣三陂坊的「澳門街雞煲火鍋」用人均港幣198就可以食羊腩煲🐐+ 火鍋🍲+ 啤酒🍻汽水🥤放題，實行大快朵頤。🍲室內燈光明亮，有兩層用餐區。樓下座無虛席，要到樓上雅座，🥢餐廳提供澳門雞煲/鯇魚煲/椰子🥥雞/粥底海鮮鍋/秘製羊腩煲 +仲免收加一，好抵。我地今次食🐐羊腩煲，羊肉完全無騷味，份量十足，而且有大量薑片同香茅去辟騷味，上枱時用慢火焗多五分鐘，超多芹菜芫荽蔥、香氣撲鼻，令人垂涎欲滴，鐘意食羊腩帶骨啖啖肉當雞髀食又得，咬落一絲絲，帶韌勁蘸上咸香腐乳，停吾到口。仲有至愛爽脆馬啼、香菇等，好滿足。食完雞煲店員會幫你加清湯開始打邊爐🍲，火鍋配料好豐富，放左係冰凍雪櫃，放得井井有條，乾淨整潔。最回本位係海鮮，毫不吝嗇的無沙沙白、脹卜卜蠔仔🦪蔬菜🥬類有：鮮冬菇、金菇、南瓜片、蘿蔔片、萵筍片、紹菜、西洋菜，香甜爆汁粟米🌽。肉類有：鵝腸、雞腎、滑牛肉、魚頭、鯇魚腩、雞件。丸類同麵類有午歺肉、墨魚丸、貢丸、牛丸、魚滑、魚片頭、豬皮、豆腐卜、公仔麵、烏冬等等。絕對夠曬食，而飲品方面有各款汽水🥤清熱解毒馬啼爽，甘蔗

未試過晚市去三坡坊，和同事行過見到整條街坐滿人的墟冚的場面，原來火鍋放題價錢超便宜！例如淨火鍋每位$108,雞煲加火鍋每位$138，川芎白芷魚頭鍋$148, 鍋的種類算多，不能盡錄。現在天氣轉冷，我們即興來個羊腩煲加火鍋放題$198每位，任食兩小時，免加一，淨食羊腩煲都覺得超值！。火鍋的配料全部自取，任飲飲品種類也充足，而且職員不時添加飲品，服務是意外的好。有醬料吧，自行調配醬料，吃羊腩煲的話，也有腐乳醬，非常好！羊腩煲先來，估不到份量竟然是這麼一大鍋，我們二人可能吃完這鍋羊腩已經不用吃其他火鍋配料了。先讚羊腩煲味道很不錯，煮湯汁的配料很多，有甘蔗，令味道清甜而不膩；馬蹄爽甜，枝竹香滑；冬菇大隻又厚身，吸收柱侯醬的味道，非常好吃；還有蘿蔔，新鮮冇渣又多汁，超好吃！所有配料都被我們吃光光！要讚配料加了檸檬草，去羊騷味，令羊腩吃下帶清新味道；柱侯醬濃淡得宜，但會越煮越濃；羊腩真的毫不吝嗇給你一大鍋，比一般餐廳的份量更多，吃完這個煲已經非常飽了，絕對超值！不想浪費食物，沒有再吃肉類了，留點空間吃蔬菜平衡一下就夠。這裏的蔬菜都非常新鮮幼嫩，食落無渣又甜。還有我喜歡的芋絲和木耳，本身沒有味道，但

荃灣絕對係美食寶藏，自從荃灣西開咗好多商場店舖同餐廳，加上疫稍有暫緩，連帶巿中心更旺上加旺。住喺荃灣成日外食既我一向都知數字坡坊都有好多正野食，話說之前在附近食野發現呢間”澳門街雞煲火鍋”，一個價錢可以食完雞煲再火鍋放題任飲任食，今日過黎食過究竟。近來比較早食晚餐，五點幾六點黎到已經有幾枱客開始食緊，坐低後更發現好快滿座。餐廳環境光猛乾淨，有方枱圓枱，除咗會預備熱水俾你清潔餐具，見到餐廳都係餐具消毒柜。除咗可以㨂淨火鍋，仲可以選擇⋯⋯「澳門雞煲」「鯇魚煲」「粥底海鮮鍋」「藥膳雞煲」「藥膳川芎白芷魚頭鍋」「秘制羊腩煲」「椰子雞煲」食完個鍋再繼續加湯變火鍋，仲可以任飲，完全滿足哂幾個願望^^原本我地想食粥底海鮮鍋，但原來要預訂，唔怪得聽到老闆娘好忙咁聽訂座電話（下次要醒目），今次先黎試下個雞煲～等緊個雞煲之際，梗係去拎咗調味醬先啦，醬油、葱、蒜蓉、沙薑、辣椒、芫茜、沙茶醬等，我都幾意外有沙薑，曾經有一次試過火鍋配沙薑醬油，出奇地好味，大家可以試下。攞調味料之餘，可以順便攞埋隔離既響鈴呀～雞煲等咗一陣就到，一打開～鍾意芫茜既我見到堆芫茜山表示心心眼！哈哈！雞煲已經煮好，撈一撈就食得。雞肉都煮

本人睇過hea佬介紹，即11月15號這家book了兩位去試試，果然hea佬冇介紹錯，羊腩煲非常之美味，食完羊腩，跟住打邊爐，配料自取也非常新鮮， 櫃裏啤酒，飲品任飲， 食足兩小時，於七點前埋單每人減$20， 一位$178就可以了，又唔使加一，地方整潔，但提一提各位記得book位呀，因非常爆，下次會再去幫襯，正。

三陂坊 好多食肆 定咗5pm 條街冇乜人 唔使個零鐘 成條街都係枱 熱鬧非常澳門街雞煲火煱 店面5張枱 有2樓 露天地方大量枱💥有youtuber 介紹 過嚟朝聖 人山人海 記得要訂座講埋食咩 是日7點0羊肉煲沽清場面有啲亂伙記唔熟手 事事都要請旨老闆娘 老闆娘好友善 好禮貌但帶頭巾有鄉音的女侍總借意指駡有見客取魚頭 頭巾女侍就取起唔出用gas爐 正常(細)枱+爐+大大高身鐵煲要企起身至望倒食物 有啲不便近門口放食物得1個櫃 菜肉麵全在普通街市凍丸類 牛丸有怪味凍牛肉 豬肉 雞件 鵝腸 鴨腎芋絲 薯仔 ……較好嘅有魚云嘅魚頭 細細粒蠔仔 大隻嘅蜆生菜 西洋菜 白菜 開始時有幾盤 之後總缺貨醬料區放響鈴 沙嗲麻辣麻油黑醋芫荽蔥 齊飲品1個櫃 有啤酒汽水 要問清楚藍妹要收錢$32 其他樽裝啤酒任飲羊肉煲 + 火煱 $198 全包 2小時羊肉1次過 份量按人數上雞煲 + 火煱 $148 全包淨食火煱 $108 全包7:30前埋單減$20 優惠

今日路過荃灣，梗係食最出名既羊腩煲，一如既往都係穩門面最唔好既食，今日就係選擇左呢間。價錢198一個，羊腩煲入面非常足料，羊肉真係都唔小，入味，又軟嫩，交到功課啦。不過火鍋料就只推介海鮮。其他都係麻麻地

冬天最啱食啲暖笠笠嘅野 圍住個爐取暖真係人生一大享受 除咗邊爐 羊腩煲都係冬天必食之一 羊腩煲再加邊爐真係無得彈 今次落老荃一於試試佢呢間店選擇都唔少 秘製羊腩煲 粥底海鮮鍋 藥膳醉雞煲 等等 揀完湯底就可以去醬料區調啱自己口味嘅醬 調緊醬嘅同時 眼尾見到有堆響鈴 心諗唔通係任食 點知真係任食啊！ 響鈴fans要book mark啦老闆娘就推薦羊腩煲 一上枱 果然無介紹錯 有大量蒜苗芫荽蔥 底下有海量大大舊嘅羊腩 肥瘦適中 有啲位連埋軟骨 好有口感 連骨嘅肉只要用筷子輕輕夾 其實都會完美脫骨 可想而知舊舊都炆到勁淋 羊腩煲常見配料羅白枝竹馬蹄冬菇 一樣都無少 每樣都炆到入曬味 大推枝竹啊 完全索曬湯 重點係食完仲可以係自助區再夾再食 爽啊食完羊腩煲就可以加湯打邊爐啦 邊爐配料選擇都算齊全 個人大推蜆啊 隻隻都大大隻 脹卜卜 隻隻煮完都開曬 無壞死 無腥味 都無沙 真係超好味 個人啪咗20隻 除咗蜆 仲有啲bb蠔仔 雖然細細隻 但都唔會腥 因為食羊腩食到好飽 都無乜食肉 反而食好多菜 識食一定係再夾枝竹 再煲再食 野飲區都係自助形式 選擇唔算多 基本汽水啤酒 但個人覺得呢個價錢食到咁高質

經過三坡坊呢邊都見到好多打冷食小菜嘅餐廳好多人食，俾我發現到呢間任食兩小時雞煲都係$138唔洗加1😳9:30pm後入座仲要減$20一位，即係$118就有得任食雞煲加打邊爐！仲要連啤酒都係任飲😱咁抵嘅價錢依家仲係邊道搵🙈🙈🙈今次我被安排係第二層坐，第二層雖然得5-6張台，仲都有兩個大雪櫃任拎打邊爐嘅食物同埋野飲！佢哋嘅海鮮比我想像中新鮮，仲有雞子呢啲都係任拎🤣🤣🤣食材都算幾新鮮！成個雪櫃都放晒啤酒🍻任拎👍👍👍仲有其他汽水果汁咁～選擇都幾多！雞煲毫不吝嗇咁俾咗超級多芫荽😹雞件燜得好入味，啖啖肉👍👍👍食晒啲雞出面都仲有雞肉拎架🥰$138真心抵食

今晚終於等到期待已久嘅冷峰‼️喺食羊腩煲嘅吉日呀❣️聽朋友講呢間平靚正🤭所以試下❣️最緊要係任飲任食兩個鐘🤩人均200有找‼️真正嘅窮人恩物🤤門面用咗白色紅色🤨比較簡單🙃如果唔係朋友介紹都未必留意到‼️不過入邊嘅衛生都做得幾好👍🏻地下唔會油笠笠😬入正題先❣️佢有雞煲❕鯇魚煲❕羊腩煲❕藥膳雞煲等❣️我就梗係食羊腩煲啦因為冬天來了😉成煲都係羊腩呀‼️仲有大量芹菜➕芫荽➕蔥➕蘿蔔➕冬菇➕馬蹄➕腐竹‼️羊腩炆得啱啱好非常之嫰滑😬啲皮都好有彈性🤣仲好有羊味🤭正‼️醬料區有腐乳任裝🤤但我怕太咸所以就咁食😄對於我嚟講都已經非常之夠味‼️連啲薑都炆得好入味🤣食完羊腩就可以加湯繼續打邊爐🍲門口有一個邊爐料➕醬料自助區🤪醬料嗰邊都係辣椒🌶️豉油➕芫荽➕炸蒜等😬自己鍾意食咩就自己溝🤪至於邊爐料都係比較常見嘅菜➕麵➕丸可以任拎🙃其中比較少見嘅就係雞腎➕魚頭‼️不過我胃口細咗🤣就咁食羊腩煲都幾飽🤭所以淨係食咗啲菜➕烏冬➕肥牛🤭要求唔高嘅我覺得Ok‼️至於飲品都係可樂➕芒果汁🥭馬蹄爽➕獅威等…不過我哋揸車唔可以飲酒所以都淨係飲咗啲汽水🥤值得一讚就喺啲姐姐啲服務態度都幾好👍🏻